Бүгін Алматыда «Дінмұхаммед Қонаев атындағы халықаралық қор» орналасқан тарихи ғимараттан өрт шықты.

Таңғы сағат жетіден қырық тоғыз минут кеткенде өртті байқап қалған адамдар «101 пультіне» хабар беріп, дабыл қаққан.

Бұл үй 1860 жылы салынған екен. «Ескі шатырдың беті темірмен тағы бір қайтара жабылғандықтан, сәл қиындық тудырды», – дейді өрт сөндірушілер.

Тілсіз жау 150 шаршы метр жерді шарпыған. Зардап шеккендер жоқ. Ал қорға тиесілі материалдық құндылықтарды оның ішінде Қонаевтың түпнұсқа суреттері мен портреттері қауіпсіз жерге шығарылды.

Қызыл жалын сағат тоғыз жарымға таман толық сөндірілді.

Сандуғаш Баймұхамбетова, Алматы қалалық ТЖД ресми өкілі

-Себебі әлі анықталған жоқ. Алдын ала себептерін де айта алмаймын. Өйткені белгілі болғанда өзіміз айтармыз.

свернуть