Qeveria shqiptare ka ashpërsuar detyrimet për studentët e Mjekësisë që zgjedhin të largohen nga vendi pas përfundimit të studimeve. Së fundmi ka miratuar projektligjin që i vendos para detyrimit për të qëndruar dhe punuar 5 vite në Shqipëri, e më pas të pajisen me diplomë. Pas mbledhjes së qeverisë, kryeministri Rama sqaroi se ky detyrim 5-vjeçar, vlen vetëm për maturantët fitues që do të nisin këtë vit studimet për Mjekësi.
“Ata që shpalle fitues përpara regjistrimit në Universitet, do të nënshkruajnë një marrëveshje me Universitetin e Mjekësisë, me Ministrinë e Arsimit dhe me Ministrinë e Shëndetësisë për t’u angazhuar që do të qëndrojnë 5 vite për punësim pas diplomimit të tyre në Shqipëri.”
Detyrimi për të qendruar dhe punuar në Shqipëri është i ndryshëm në varësi të vitit të studimit. Studentët aktualë të Universitetit të Mjekësisë, nga viti i parë deri te i katërti, janë të detyruar të punojnë 3 vite, ndërsa viti i pestë dhe i gjashtë vetëm 2 vite.
Studentët aktualë të Universitet të Mjekësisë do të kenë gjithashtu mundësi të zgjedhin mes dy alternativave, pranimin e këtij kushti nga qeveria, ose të paguajnë tarifën për të gjitha vitet e studimit.
Pas përfundimit të studimeve, ata të cilët nuk arrijnë të punësohen brenda 1 viti, do të lirohen nga kushtet që i vendos ky projektligj.
Ministrja Kushi sqaroi se si do të lidhet ky projektligj edhe me ata të cilët do të jenë pjesë e përzgjedhjes së specializimeve.
Ky projektligj pritet të miratohet në Kuvend brenda muajit Korrik, pasi nga data 29 dhe deri më datë 3 Gusht studentët do duhet të bëjnë aplikimin për në Universitet.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
