Güzəştli mənzil almaq istəyib, kənarda qalanlar etiraz edirlər və prosesin şəffaf keçirilmədiyini qeyd edirlər. Dövlət Agentliyi isə kimin qabağa düşərsə, mənzil ala bildiyini deyir. Güzəştli şərtlərlə mənzil almaq istəyənlərin hər 30 nəfərdən yalnız biri mənzil ala bilib. Bəs bu üsulla dövlətin mənzil verməsi ədalətlidirmi? Bugünkü CANLI xəbərlərdə mövzumuz güzəştli mənzil satışındakı müəmmadır - Hökumət nümayəndələri aşura mərasimi öncəsi dindarlara xəbərdarlıq edib və onları təxribata qarşı ayıq olmağa çağırıb. Mütəxəssis deyir ki, əvvəllər belə xəbərdarlıqlar olmurdu. Bəs bu, nə ilə bağlıdır? - Azərbaycanda dini inanclıların məktəbə hicabla gedib-getməməsi məsələsi zamanla müzakirə edilib. İndi bu məsələ Azərbaycanda həll olunsa da, Qazaxıstanda eyni problem yenə baş qaldırıb. Dövlət məktəbli formasına görə baş örtüklərinin açılmasını tələb edir - Ucuz başa gəlsin deyə mobil telefonları xaricdən sifariş verənlərə belə telefonların üzü astarından baha başa gəlir. Çünki hökumətin mobil telefonlara tətbiq etdiyi rüsumun qaldırılması ilə yanaşı, xaricdən gətirilmiş telefonların poçtdan götürülməsi üçün günlərlə davam edən növbələr yaranıb - Gündəlik Xəbərlərə baxırsınız:

0:50 - "Mənzillərin bu bölgüsü dövlətə agentliyinə inamı öldürdü"
3:11 - Aşura ilə bağlı xəbərdarlıq olundu
5:08 - Məktəbə hicabla getmək olarmı?
7:28 - Xaricdən gətirilən telefonları niyə əldə etmək zülm olub?
11:45 - Güzəştli mənzillərin satışı nə dərəcədə ədalətli keçirilib?

свернуть