Түркістан облысы Сайрам ауданына қарасты Жібек жолы ауылының 5 мыңнан астам тұрғыны тіршілік нәрінсіз отыр.
Шымкенттің іргесінде тұрып, аңқасы кепкен ауыл тұрғындары базынасын айтып, арнамызға хабарласты. Айтуларынша, жаз келсе болды құдықтары қаңысып, ішерге су таппай қалады екен. Таңдайы құрғаған әлеумет аптап ыстықта тіршілік нәрінің күніне бір рет қана берілетіне наразы. Осы уақытты пайдаланып ыдыстарының бәрін суға толтырып алады. Көлігі барлар тасып ішеді. Айтуларынша, бұған дейін бірнеше мердігер келіп, ауылға құбыр тартқан. Оған қазынадан 450 млн теңге қаржы бөлініпті. Бірақ сапасыз жүргізілген жұмыстың соңы жұртты сарсаңа салып отыр. Ал ауыз суға жауапты мамандардың да өз айтар уәжі бар. Олардың пікірінше, су ауылға Машат жақтан құбыр арқылы жеткізіледі. Ауыл маңындағы насоспен көшелерге тарайды. Аптап ыстықта таудан келетін судың көлемі азаятындықтан биік жерде орналасқан үйлерге су шықпай қалады дейді. Оған жауапсыз мердігерлерден қалған сапасыз құбырдың жырын қосыңыз. Подписывайтесь на «Хабар 24»:
[ Ссылка ]
Наш сайт - [ Ссылка ]
Facebook - [ Ссылка ]
Instagram - [ Ссылка ]
Telegram - [ Ссылка ]
Twitter - [ Ссылка ]
Vkontakte - [ Ссылка ]
