#BirBax #Azerbaycan #ürək
Düzgün qidalar qəbul etsəniz, ürək xəstəlikləri, yüksək təzyiq və diabet riskindən qurtula bilərsiniz. Bəli düz eşitdiyimiz. Sağlamlığımız birbaşa yediyimiz qidalarla çox bağlıdır. Bu gün sizə ürəyimizə faydalı olan qidalar barədə məlumat verəcəm. Diqqət ekrana.
Budur, ürəyimizə faydalı olan həmin qidalar:
1. Armud. Antioksidantlar, vitaminlər, minerallar və liflərlə zəngin olan armud qan təzyiqini normallaşdırır, xolesterol səviyyəsini aşağı salır. Beləcə, bəzi ürək problemlərinin qarşısının alınmasında önəmli rol oynayır.
2. Badam. Badam ləzzətli olmaqla bərabər, yaddaşı möhkəmləndirmək, zehni açmaq, ürək sağlamlığını qorumaq baxımından da, əvəzsizdir. O, qanda “pis” xolesterolun səviyyəsini aşağı salır, ürək xəstəliklərinə tutulma riskini minimuma endirir.
3. Qoz. Hamımız qoz ləpəsini çərəz kimi, yaxud şirniyyatların tərkibində yeməyi sevirik. Dünya mətbəxində isə qozdan hazırlanan salatlar çox məşhurdur. Tərkibində Omega-3 yağ turşuları var. Bunun sayəsində də, ürəyimizi qoruyur, xolesterol səviyyəsini və təzyiqi nizamlayır, beyin hüceyrələrini qidalandırır.
4. Çiyələk. Müxtəlif şirniyyatların bəzəyi olan giləmeyvə minerallarla, fol turşusu ilə, C vitamini ilə zəngindir. Meyvənin kalori dəyəri də çox aşağıdır. Yəni, o, arıqlamağa da kömək edir. Çiyələk damar divarlarına yapışan yığıntıların əriməsini təmin edir, arterial damarların axım gücünü artırır.
5. Brokoli. Botaniklərin çoxu brokolinin kələmin bir növü olduğunu deyirlər. Sizin üçün isə fərq etmir; əsas odur ki, bu faydalı tərəvəzdən yararlanmaqda gecikməyəsiniz. Dadını sevməyənlər çoxdur, amma o, damarların təmizlənməsinə və qanda “pis” xolesterolun səviyyəsinin nizamlanmasında önəmli rol oynayır.
6. Çia (chia) toxumları. Meyvə salatlarının da yaraşığı sayılan çia toxumları “pis” xolesterolun səviyyəsini aşağı salmaqda, dolayısı ilə, ürək-damar sistemini qorumaqda mahirdir.
7. Pomidor sousu. Hazırda dünya mətbəxinin ən geniş yayılmış inqridientlərindən biridir. Xüsusən də İtalyanlar ondan daha çox istifadə edilər. Onların uzunömürlü olmalarının sirlərini axtaran pomidor sousunu da siyahıya daxil ediblər. Tərkibindəki likopen sayəsində dərinin və ürəyin sağlamlığını dəstəkləməkdədir.
8. Alma. Qan təzyiqinin stabilləşməsinə xidmət edən bu faydalı meyvə antioksidantlar, minerallar və vitaminlərlə zəngindir. Stabil təzyiq isə birbaşa ürəyin sağlamlığının qorunması deməkdir.
9. Alma sirkəsi. Qoxusu yaxşı olmasa da, alma sirkəsini sevənlər çoxdur. Məsələn; müğənni Beyonce. Arıqlamağa, ürək xəstəliklərinin qarşısını almağa, triqliserid və xolesterol səviyyəsini nizamlamağa, təzyiqi stabilləşdirməyə xidmət edən alma sirkəsi bununla özünün “ürək dostu” olduğunu bir daha sübut edir. Lakin mədəsində qastrit, yara olanlara, turşuluğu çox, həssas bir mədəniz varsa, alma sirkəsi içmək tövsiyə edilmir.
10. Qəhvəyi düyü. Xüsusilə, Asiyada əhalinin qidalanmasının əsasını düyü təşkil edir. Ağ düyü qəhvəyi düyüyə nisbətən, daha çox nişastaya malikdir. Məhz bu səbəbdən də, mütəxəssislər tövsiyə edir ki, bacardıqca ağ düyü əvəzinə qəhvəyi düyü yemək yaxşıdır. Normadan artıq karbohidrat qəbulu qanda “pis” xolesterolun səviyyəsini yüksəldir. Qəhvəyi düyünün rasiona daxil edilməsi barədəki məsləhətlərin bir səbəbi də budur.
11. Lobya. Lobyada yağ səviyyəsi aşağıdır. Buna rəğmən, protein və lif səviyyəsi yüksəkdir. Ürək sağlamlığına xidmət edən fitokimyəvi maddələrlə də zəngindir. Yaddaşı gücləndirir, ürək-damar sisteminin sağlamlığını qoruyur, xərçəng, infarkt, insult və diabet riskini aşağı salır.
12. Fıstıq. Fıstıqda antioksidant, protein və kalium var. Əgər onu ləpə kimi yeyə bilmirsinizsə, dondurmalara, meyvə kokteyllərinə, lap elə, meyvə salatlarına da daxil edə bilərsiniz.
13. Kofe. Kofesiz dura bilməyənlər sevimli içkilərinin faydaları haqqında eşidəndə, çox sevinirlər, hə? Nizamlı şəkildə içilən kofenin ürək xəstəliyinin, ürək çatışmazlığının və insult riskinin qarşısını aldığı elmi cəhətdən çoxdan sübut olunub.
14. Qreypfrut. İdeal bədən quruluşunun qorunmasına kömək edən qreypfrut C vitamini, lif, likopen və kalium baxımından zəngindir. Meyvə qan təzyiqini aşağı salmağa kömək etdiyi üçün təzyiq xəöstələri ondan istifadə edə bilərlər.
15. Yerkökü. Görmə qabiliyyətinə müsbət təsir edən tərəvəz sərbəst radikalların orqanizmdəki fəaliyyətinin qarşısını alır. Ayrıca, xərçəngin və ürək xəstəliklərinin yaranmasına da imkan vermir. Bunlara o, tərkibindəki A, C və K vitaminləri sayəsində nail olur.
16. Kokos yağı. Son illərdə müxtəlif məqsədlərlə istifadə edilməkdə olan kokos yağı, demək olar ki, orqanizmin hər bir nahiyəsinə faydalıdır. Düzdür, kokos yağının tərkibində qanda yağ və xolesterol səviyyələrini yüksəldən laurin turşusu var, bununla belə, ondan nizamlı şəkildə istifadə etmək ürək-damar sisteminin sağlamlığının qorunmasında yardımçı olacaqdır.

свернуть