Përfitimet e shumta që sjell veprimtaria kriminale e transportimit të emigrantëve të paligjshëm, apo ajo e trafikimit të drogës, I ka shtyrë trafikantët të mendojnë gjithnjë e më shumë metoda të reja për të mos rënë në sy.

Së fundmi është vënë re një tendencë në rritje e përdorimit të mjeteve luksoze për të marrë emigrantët nga vendet e treta, kryesisht pranë kufirit me Greqinë e për ti dërguar në veri të Shqipërisë, që ata më pas të vijojnë me rrugëtimin e tyre drejt vendeve të BE-së.

Nga ana tjetër, trafikantët e drogës, kanë surprizuar, teksa kanë filluar të përdorin mjete të mëdha turistike, siç kanë Camper-at, që të mos I bien në sy Policisë.

Një rast I fundit është goditur këtë të mërkurë, teksa tre shtetas nga Kosova janë arrestuar nga Policia e Sarandës, teksa po tentonin të trafikonin emigrantë të paligjshëm kundrejt fitimit.

Të arrestuarit janë identifikuar si Shkelqim Shabani, Hysni Hafizi, Shkelzen Islami. Ata po transportonin 26 emigrantë nga vendet e treta, duke lëvizur me me 3 automjete të shtrenjta, që u sekuestruan në cilësinë e provës materiale.
Pak ditë më parë, Policia e Korçës goditi një tjetër rast të ngjashëm, 4 trafikantë nga Kosova u kapën pranë vendit të quajtur “Tyrbja e Gocës”, në Maliq, duke transportuar emigrantët në 3 automjete, tip “Volksëagen”, “Audi Q7” dhe “Audi A8”.

Para pak javësh gjithashtu, Policia e Kapshticës dhe ajo e Vlorës goditën dy raste të ndryshme të trafikimit të drogës drejt Greqisë me Camper-a, duke vënë në pranga në total 6 shtetas rumunë.


Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Emigrante#TopChannel

свернуть