Әйтеке би ауданы Белқопа ауылы маңында жол апатынан 6 адам көз жұмды. Бүгін таңғы сағат 4-тер шамасында болған жол-көлік оқиғасы кезінде "Мазда-кронус" көлігі ішіндегі адамдарымен бірге түгелдей өртеніп кетті. Ішіндегі жүргізушісі, жұбайы, баласы және немересін құтқару мүмкін болмады. Таңғы 3-45-те "Самара-Шымкент" тас жолында "Мазда-Кронус" көлігі соққан "Опел-вектра" көлігінің жүргізушісі қазір аудандық ауруханада жатыр. Жанында болған жұбайы мен баласы оқиға орнында тіл тартпай кеткен. Бірден алты адамның өмірін жалмаған жол көлік апаты «Самара-Шымкент» тас жолының 934 шақырымында болған. Қазір апаттың себептері анықталып жатыр. Қазір тоғыз жасөспірімді қаққан хромтаулық жүргізуші ұсталды. Жол-көлік оқиғасынан үш жасөспірім жеңіл жарақат алып, ауруханада жатыр. Қалған зардап шегушілерге алғашқы медициналық көмек көрсетіліп, үйлеріне жіберілген. Жол оқиғасына байланысты жасөспірімдерді басып өлтіре жаздаған 20 жастағы жігіттің жүргізушілік қабілеті тексеріліп жатыр. Қылмыстық іс қозғалды.
Сайт телеканала [ Ссылка ]
Twitter [ Ссылка ]
Вконтакте [ Ссылка ]
