Հայաստանում գազի գինը նվազեցվել է հնարավորության առավելագույն չափով: «Գազպրոմ Արմենիա» ՓԲԸ վարչության նախագահ-գլխավոր տնօրեն Վարդան Հարությունյանը լրագրողների հետ ճեպազրույցում նշեց, որ նոր սակագինը բանիմաց ու գրագետ մարդկանց հաշվարկների արդյունք է: Նա նշեց գործոններից մի քանիսը, որոնք ազդել և ազդում են գազի սակագնի ձևավորման վրա:
Նշենք, որ 2016-ի հուլիսի 1-ից Հայաստանում գազի սակագինը կնվազի 9,3 դրամով: Մայիսի 31-ին նման որոշում կայացրեց ՀԾԿՀ-ն: 1 խ/մ-ի դիմաց 156 դրամի փոխարեն բնակչությունը կվճարի 146,7 դրամ: Նվազումը կազմում է 6 տոկոս:
Ամսական ավելի քան 10 հազար խ/մ գազ սպառող բաժանորդները կվճարեն հազար խ/մ-ի դիմաց 257,6 դոլար՝ նախկին 276,98-ի փոխարեն:
Գազի գնի իջեցման մասին ապրիլի 7-ին՝ ՌԴ վարչապետ Դմիտրի Մեդվեդևի հետ հանդիպումից հետո հայտարարեց ՀՀ վարչապետ Հովիկ Աբրահամյանը:
«Գազպրոմ Արմենիան» ապրիլին դիմեց ՀԾԿՀ-ին՝ առաջարկելով տնային տնտեսությունների համար գազի սակագինը մեկ խ/մ-ի համար 156 դրամից իջեցնել 146,7 դրամի։
[ Ссылка ]
