ديكورات لطرقة المنزل - خمس حلول للممرات الضيقة | مها هيكل
#ديكور_الطرقة_في_الشقه
اهلا بيكم معاكم مهندسة الديكور مها هيكل و هنتكلم النهارده عن مشكلة كتير منا بيواجهها
و هي وجود الممرات الطرقة الطويلة الضيقة في البيوت
و ازاي نتعامل معاها و ازاي نقدر بحيل بسيطة نقدر نحول الممر و نحس الطرقة بقت اوسع
١- وضع مرايا كبيرة في الممرات او الطرقة بتدينا بتعكسلنا الاضاءة و بتضاعف احساسنا بالمساحه
ممكن نستخدم كمان عدة مرايات صغيرة جنب بعض هتدينا نفس التأثير
٢- نعلى اضاءة الطرقة بحيث تكون اضاءة واضحه مش مجرد اضاة خافته للرؤية و بكده هنحس ان الطرقة بقت اوسع
٣- وضع لوحات او تابلوهات على جانبين الممرات بحيث تجذب انتباه الشخص اللي ماشي و تقلل من احساسه بطول المسافة
٤ - استخدام لون موحد او متقارب بمعني ان لون الارض و الحيطة و السقف ميكونش فيهم تباين و الافضل تكون الوان فاتحه اللي بتحسسنا بالوسع
٥- في حاله اننا هنحط سجاد ضروري يكون بعرض الممر كله لان السجاده لو كانت اصغر هتدينا احساس الضيق و بالتالي طول الطرقة و يفضل لو كانت نقشة السجاده خطوط عرضيه
و دي كانت اهم النصايح اللي ممكن نتبعها عشان نتفادى الممرات الضيقة

свернуть