Zëvendësministri i Punëve të Jashtme dhe Diasporës, Kreshnik Ahmeti tha se Kosova nuk ia mohon të drejtën e votimit asnjë qytetari serb, por kjo e drejtë, sipas tij, nuk mund të “manifestohet duke shkelur sovranitetin e vendin”. "Si Republikë, jemi të barabartë mes fqinjëve tanë në rajon, prandaj duhet t’i shohim edhe praktikat e tyre në raport me pakicat serbe dhe me këtë proces votimi. Për më tepër, ne synojmë anëtarësimin në BE dhe duhet t’i shohim edhe praktikat e vendeve anëtare të cilat kanë pakica serbe", tha Ahmeti përmes një postimi në Facebook. Të dielën, Serbia mban referendumin për ndryshimin e Kushtetutës. Kosova ka thënë se qytetarët serbë, me shtetësi të dyfishtë, do të mund të votojnë për këtë referendum përmes postës dhe Zyrës Ndërlidhëse në Prishtinë. Ky vendim i Qeverisë së Kosovës është kundërshtuar nga Beogradi zyrtar, që ka paralajmëruar Prishtinën për “pasoja të rënda”. Reagimi i zëvendësministri Ahmeti vjen pak orë pasi Shtetet e Bashkuara, Franca, Gjermania, Italia, Mbretëria e Bashkuar dhe Bashkimi Evropian i kanë bërë thirrje Kosovës, që të lejojë votimin e qytetarëve serbë, duke aplikuar praktikat e vendosura më parë. Më herët, në Kosovë nuk është penguar organizimi i zgjedhjeve presidenciale dhe parlamentare të Serbisë. Këto vota i ka mbledhur misioni i Organizatës për Siguri dhe Bashkëpunim në Evropë (OSBE). Por, zëvendësministri i Jashtëm, Ahmeti tha se nuk duhet të legjitimohen praktikat e kaluara, që sipas tij kanë shkelur sovranitetin e Kosovës. Ai shtoi se Serbia, duke kërkuar që referendumi të organizohet edhe në Kosovë, ka për synim “destabilizimin eventual të veriut të Republikës së Kosovës dhe të rajonit”.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Kosova#Referendumi#TopChannel
Ещё видео!