Бүгін жасөспірімдер арасында қар үстіндегі футболдан Ақтөбе қаласы әкімінің жүлдесіне арналған халықаралық турнир басталды. Шара қалалық «Дене шынықтыру және спорт бөлімі» ММ-нің ұйымдастыруымен өтуде. Финал 20-ақпанға белгіленген. Турнирде өңірлік құрамалардан бөлек Тараз ,Екібастұз, Қостанай қаласынан 200-ден астам спортшыдан құралған 16 команда бақ сынайды. Жарыстың мақсаты футболды, салауатты өмір салтын насихаттау, сондай-ақ, балалар арасындағы достықты нығайту.Турнирде "Ақтөбе" футбол клубы мектебінің 12 жастығы тәрбиеленушісі Алмаз Бүркіталин де допқа таласуда. Ол жарыста жеңіске жету үшін көп жаттығып, командада ойнай білу керек, деп ойлайды. Ойында 1,2,3- орын алған командалар кубоктармен және дипломдармен, ойыншылар медальдармен және грамоталармен марапатталатын болады. Сонымен қатар, қалалық дене шынықтыру және спорт бөлімі атынан естелік сыйлықтарымен қоса спортшыларға "Үздік қақпашы", "Үздік қорғаушы", "Үздік шабуылшы", "Үздік жартылай қорғаушы", "Үздік сұрмерген" аталымдары бойынша дипломдары табысталады.

Сайт телеканала [ Ссылка ]
Twitter [ Ссылка ]
Вконтакте [ Ссылка ]

свернуть