Arkiva Lajme - Tv Klan 1999

Bluzat e bardha të spitalit Psikiatrik në Elbasan, paralajmërojnë për grevë. 198 mjekë dhe punonjës të personelit të këtij spitali do të braktisin pavionët duke lënë në liri veprimi 280 të sëmurët psiqik brenda spitalit. Ka disa kohë që personeli i spitalit i ka drejtuar një kërkesë Ministrisë së Shëndetësisë, ku ndër të tjera kërkohet shtesë mbi pagë mbi vështirësinë në punë, ngritja e ambjenteve për personelin, ngritja e dhomës së terapisë e asaj të izolimit të sëmurëve rëndë si dhe mjete të tjera përfshi dhe ilaçin bazë të të sëmurëve psiqik, i cili ka kohë që mungon.

Por nga Ministria e Shëndetësisë jo vetëm që nuk është marrë ndonjë masë por nuk është kthyer asnjë përgjigje. Ndërsa ministria vazhdon heshtjen janë mjekët e spitalit Psikiatrik që të detyruar nga kushtet anormale të këtij spitali do të lënë pavionët dhe të sëmurët në shenjë proteste./tvklan.al

Gazetare – Ornela Bego

свернуть