#Suedi #NATO
Suedia i bashkohet Finlandës në vendimin për të aplikuar për anëtarësimin në NATO. Vendimi u mor nga qeveria dhe njoftua nga kryeministrja suedeze Magdalena Andersson në një konferencë për shtyp.
Magdalena Anderssron: Qeveria ka vendosur të njoftojë NATO-n se Suedia dëshiron të bëhet anëtare e aleancës dhe ambasadori suedez i NATO-s do të njoftojë së shpejti aleancën.
Kryeministrja suedeze tha se vendi po bën një hap të madh historik duke kaluar nga një epokë në një tjetër duke u larguar nga statusi i vendit neutral, por theksoi se ata nuk do të dëshironin baza të përhershme ushtarake të NATO-s në vend apo armë bërthamore në territorin e saj.
Më herët këtë të hënë presidenti rus Vladimir Putin paralajmëroi se Rusia nuk do ta kalojë pa kundërpërgjigje anëtarësimin e Finlandës dhe Suedisë në NATO.
Vladimir Putin: Zgjerimi i infrastrukturës ushtarakenë këto territore sigurisht që do të provokojë përgjigjen tonë. Do të shohim fillimisht çfarë kërcënimesh do të na vijnë, pasi problemi po krijohet nga e para dhe më pas do të reagojmë në përputhje me këtë.
Gjatë mbledhjes me liderët e vendeve të Organizatës për Siguri Kolektive, që përfshin kryesisht ish-vende të Bashkimit Sovjetik, Putin tha Finlanda dhe Suedia nuk përbëjnë kërcënim me Rusinë. Sipas tij, Moska ka pasur dhe ka marrëdhënie paqësore me këto vende, por problemi i vetëm në këtë rast është NATO.
Por një tjetër problem me të cilin do të përballen Suedia dhe Finlanda është Vetoja e Turqisë. Ministri i jashtëm turk Mevlut Çavushollu tha se pa heqjen e mbështetjes për terroristët kurdë nga këto dy vende, nuk mund të pranohet anëtarësimi i tyre. Ndërsa ministri suedez i mbrojtjes Peter Hultkvist tha se do të nisë shumë shpejt, negociata zyrtare me Ankaranë.
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
