“Bog‘chalarda” - Azim Mullahonov
Baxtiyor Vaxabzade so‘zi
Emin Sabito‘g‘li musiqasi
“Kepenek” (“Bog‘chalarda”) ilk bora Azerbayjon xalq artisti Mirza Babayev tomonidan 1970 yillarda ijro etilgan.
Bizning ijrochilarimiz tomonidan “Bog‘chalarda” deb nomlangan bu qo‘shiq 1974 yilda Muqimiy nomidagi musiqali drama teatrida sahnalashtirilgan “Hijron” spektaklidagi ariya bo‘lib, O‘zbekistonda hizmat ko‘rsatgan artist Shuhrat Rasulov va Qirg‘izistonda hizmat ko‘rsatgan artist Dilorom Soipovalar tomonidan duet sifatida ijro etilgan... Teatr sahnasida ijro etilgan paytida, 15 -16 yoshar bo‘lgan Azim Mullaxonov bu qo‘shiqqa elektrogitarani qo‘shadi. Bu qo‘shiq shunchalik mashhur bo‘lib ketadi-ku, uni Shuhrat Rasulov o‘z konsert dasturlarida ham ijro qiladi. Biroz rahbarlik mavqeiga erishganidan so‘ng,bu qo‘shiqni ijro etish uchun Azim Mullaxonov Shuhrat Rasulovdan ruxsat so‘raydi.
1990 yilda esa bu qo‘shiq O‘zbekistonda hizmat ko‘rsatgan artist Azim Mullaxonov tomonidan qayta ishlanib, ijro etiladi.
“Bog‘chalarda”
Bog‘chalarda qizil gullar
Terganda men dedim sen, sen.
Janonlarning janonini
Ko‘rganda men dedim sen, sen.
Dunyo qadar sevib seni,
Kel, jonim, kel, yonimga kel.
Bu shod ko‘ngil yillar bo‘yi,
Yillar bo‘yi seni derman.
Alamlarda, hasratlarda
Seni yodda saqladim men.
Men seni deb kecha-kunduz
Chin bir orzu istadim men.
Dunyo qadar sevib seni,
Kel, jonim, kel, yonimga kel.
Bu shod ko‘ngil yillar bo‘yi,
Yillar bo‘yi seni derman.
