Ekeombe kiabanabodaboda bestage ya Otamba Junction ime ya Kiogoro nigo giaesokirie erio gokwanera obuya bwabanto gochicha amo erio kwegendereria. Abanabodaboda abwo bachagetie ekeombe ekio gekorokwa Otamba Bodaboda Junction Self Help Group omwaka o 2018, nigo batebire buna ebiombe nebiya naigo korwa obosemia gochia ase abande. Robert Ndege Nomonyakerogo bwekiombe ekio.
Gokwana nabararia rituko ria rero chingaki batwara omosangererekano obo o Kera engaki, nigo abanabodaboda abwo batebire buna nigo babwate ekerenga ekenene kiogokora amagenderero ase ebinyoro biabo naigo kwegendereria.
Abang’ina abwo nabarabwo baerigetie ase ekeombe ekio nigo batebire buna okwebeka buya kwabamura nabagaka nakwo kwabang’usete gosoao erio bakonyane
Bono nigo barure ogosabagochia ase abarai bonsi gwesokia eriokobaa obokonyi erio bagore chiema amo na EPA system erio baekonyere.
Barure obosemia gochia ase baria bekegori egeke erio baemanyie na gokora amagenderero ase chinka chiabo.
Nigo boigo baira ribaga erio gokwanera emechando mekemeke eyuo bagoetera ekero bagokora obosombi bwabo anene kegima ase ensemo yoborendi.
Egati yabarai baria babaikire ang’e abanabodaboda abwo namo na Simon Nyamwaro oyuo ore omonyakerogo o Matatu owners association oyuo naende ore epatron yabo, oyuo orure obosemia gochia ase bare barigererie bosio baekonye.
Bono abanabodaboda abwo nigo babeire ekeorokererio ekene gochia ase abanabodaboda band ease ogochicha amo na Gokora amagenderero ayuo arabakonye, yatigaire ase abande bonsi kwebeka amo erio banyare gokonyeka ase chingaki chire bosio.
