Kryeministri Kyriakos Mitsotakis u skeptik ndaj modelit që po zbaton Italia me qendrat e pritjes së emigrantëve në vende të treta , si ato në Shqipëri, duke vënë në dyshim faktin nese mund të zbatohet kjo metodë në nivel evropian.
Duke folur për Financial Times, Kryeministri grek ka theksuar se bëhet fjalë për një marrëveshje dypalëshe Itali-Shqipëri dhe nuk dihen në se mund të aplikohet në nivel evropian dhe në se do të funksionojë vërtet.
Referuar marrëveshjes Itali-Shqipëri, kryeministri vuri në dukje se emigrantët i nënshtrohen legjislacionit italian të azilit dhe në çdo rast do të kthehen atje. "Nëse do ta bënim në një nivel evropian... ku do të shkonin më pas ata ?"- ka pyetur ai.Mitsotakis i ka kërkuar gjithashtu homologëve të tij të promovohet më shumë emigracioni legal, krahas përballjes me emigracionin e paligjshëm.
“Nëse do të ndërtosh një gardh të madh, duhet edhe një derë e madhe” vuri në dukje ai, duke theksuar mungesën e fuqisë punëtore në Greqi. “Kush do të na mbledhë ullinjtë? Ne jemi një kontinent në tkurrje dhe të gjithë e kuptojmë se për të ruajtur produktivitetin tonë, do të na duhet një fuqi punëtore, e pakualifikuar apo e kualifikuar”- ka thënë kryeministri grek .
Gjithashtu ai ka deklaruar se Greqia ka shpëtuar "mijëra njerëz në det", por paralelisht ka theksuar se "do ta bëjë të vështirë hyrjen e njerëzve në territorin e BE". Sipas tij një prej boshllëqeve në ligjet e BE për emigracionin është se kurrë nuk diskutohet se çfarë ndodh me ata emigrantë të cilëve u refuzohet e drejta e azilit dhe që janë mbi 20% të numrit të përgjithshëm.
Deklaratat e Mitsotakit vijnë në një moment kur disa liderë të BE përfshirë kancelarin gjerman Olaf Scholz dhe kryeministrin e Polonisë Donald Tusk,i janë kthyer kësaj çështjeje muajt e fundit, me Komisionin Evropian që sinjalizon tani se është i hapur ndaj të ashtuquajturave zgjidhje inovative, duke përfshirë qendrat e kthimit të emigrantëve të ngritura jashtë BE ,ashtu si Italia që filloi këtë javë një sistem pilot me qëndrat e migrantëve në Shqipëri.
Pamjet: AFP
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Mitsotakis#TopChannelNews
