Ադրբեջանին ռուսական զենք վաճառելու փաստը չի կարող ստիպել Հայաստանի իշխանություններին ՀԱՊԿ-ից դուրս գալու որոշում կայացնել: Խորհրդարանի փոխնախագահ Ալեն Սիմոնյանը ասել է, որ ինչպես նախորդ իշխանությունը, իրենք էլ երկրի ղեկավարի մակարդակով խոսում են հակառակորդին զենք տրամադրելու մտահոգությունների մասին ու միշտ ստանում նույն պատասխանը. «Հայաստանին էլ Ռուսաստանը զենք է վաճառում ավելի լավ ու նպաստավոր պայմաններով»:
Ի դեպ, ՀԱՊԿ խորհրդանական վեհաժողովի խորհրդի երևանյան նիստի ժամանակ Ադրբեջան մատակարարվող ռուսական զենքի, Տավուշի գյուղերիի վրա գնդակոծությունների թեմային անդրադարձ չի եղել, քանի որ հայկական կողմը չի առաջարկել օրակարգում ներառել այդ հարցերը:
Այս հավաքից առաջ՝ ՀԱՊԿ ներկայացուցիչները հանդիպել է վարչապետ Փաշինյանին, որը հայտարարել է՝ «ՀԱՊԿ-ը մեր տարածաշրջանում կայունության և անվտանգության համար կարևոր գործոն է»:
