Subscribe në Ora News këtu [ Ссылка ]
Lushnje - Atmosferë festive në Qendrën e Hemoglobinopative në Lushnje.
Me rastin e festave të fundvitit, Fondacioni "Fëmijët e Shqipërisë", ka shpërndarë dhurata duke gëzuar vogëlushët në këtë prag festash.
Gjatë vizitës në spitalin e qytetit, drejtuesja e Fondacionit, Liri Berisha, ishte e shoqëruar nga aktorja Margarita Xhepa.
“Kur morra Fondacionin “Fëmijët shqiptarë”, që në ditët e para të punës, ne bëm të pamundurën që të ngrejmë këtë qendër me këtë laborator, i cili i shërben jo vetëm qytetit tuaj, por i shërben të gjithë jugut. Unë ju uroj gëzuar Krishtlindjet. Të jetë një vit i mbarë, një vit i shëndetshëm dhe i suksesshëm për të gjithë qytetarët e Lushnjes, por veçanërisht për fëmijët tuaj”, u shpreh Kryetarja e Fondacionit “Fëmijët e Shqipërisë”, Liri Berisha.
“Ne vijmë me dashuri, me thjeshtësi, me dhimbje. Marrim pjesë në çdo problem të njerëzve, sepse këtë marëdhënie kemi patur. DO të vijmë me një këmbë, sepse kemi qenë gjithmonë të gjendur për njëri-tjetrin. Unë nuk e harroj vendlindjen, ajo është pasuri Brenda meje”, u shpreh aktorja e mirënjohur Margarita Xhepa.
Qendra e Hemoglobinopative nuk është zgjedhur rastësisht nga zonja Liri Berisha, pasi shtatë vite më parë, Fondacioni që ajo drejton ka kontribuuar për ngritjen e saj.
Për më shumë klikoni në [ Ссылка ]
