🌹🌹🌹🌹🌹
Primitivamente - di Raffaele Viviani - Recita Nino Taranto - a cura di Gennaro Sansone -
🌹🌹🌹🌹🌹
Primitivamente.
di Raffaele Viviani.
.
Me ne vogl’ i’ a ccampà mmiez’ a na terra
â parte 'e Punteciéllo, Caivano:
so’ stufo d' 'e ccittà, Roma, Milano:
quanno voglio fà 'a vita vaco 'Acerra.
.
Mmiez’ a na terra, sulo, addo’ se magne
cu 'a crapa, 'a vacca, 'o puórco, 'o pulicìno;
na casa grezza 'e tufo, nu lettino,
e se risciàta ll'aria d' 'a campagna.
.
All'alba 'o gallo canta, i' aràpo ll'uócchie
e appìso ê ttrave veco 'o bbene 'e Ddio.
Me méngo, ièsco fòre, sto ssul'io
e me diverto a ssèntere 'e rranocchie.
.
M'accosto ô puzzo, addo’ ce sta 'o mulino:
na grossa rota e ttutte sìcchie attuórno.
E 'o ciucciariéllo avòta, albanno juórno,
e 'o sìcchio 'e 'rèto saglie sempe chino.
.
Scàrreca ll'acqua e torna a ccapa sotto,
se jénche e ssaglie arrèto cu ll' ât’ acqua,
e 'o ciucciariéllo avòta e nun se stracqua
fino a che 'o sole forte nun l'ha cuótto.
.
Rallenta 'o passo, va cchiù lenta 'a ròta,
cu 'a capa, 'e rrécchie appése e 'a léngua ’a fora,
se scióscia 'e mmósche ’a cuóllo aizanno 'a córa,
pe’ dint' 'a gareggiata chiéna 'e lóta.
.
Chésto voglio vedé, chésto e nnient'ato.
Aggio bisogno 'e fà na vita santa.
N’ aucellùzzo nterra ca me canta.
Senza me ntulettà, sempe sciambràto.
.
Voglio fà 'a córte? 'a faccio â gallenèlla,
spugliàto comme sto, comme me trovo,
'a vaco appriésso, véco addo’ fa ll'uóvo,
m' 'o zuco o 'o faccio fritto int' â tièlla.
.
Me voglio fà nu bagno? int' â cestèrna!
acqua gelata ! e vévo nfaccia ô sìcchio.
Cu 'o vino ca se fa, spilo 'o cavicchio
e aggio voglia 'e campà na vita eterna.
.
'O parzunàle me dà 'o Ssignurìa,
'o cane 'e présa ca m'allicca 'a mano.
Niente pultrone, sègge, né divano:
sempe pe tterra ch' è 'a passióna mia.
.
Distratto, senza lèggere ggiurnale,
senza rilòrge, calennàrie, niente.
Comm’ a ll'antiche, primitivamente.
Senza sta civiltà: vita animale!
.
Ciént’ anne aggi’ ’a campà mmiez’ a sta terra:
quanno voglio fà 'a vita vaco 'Acerra!
.
🌹🌹🌹🌹🌹
🌹🌹🌹🌹🌹

💙💙💙💙

Cara amica e caro amico, se ti è piaciuto questo video e sei un appassionata/o della poesia e della canzone classica napoletana, iscriviti al mio canale, per vederne degli altri e pigia la campanella per ricevere le notifiche dei nuovi video.
L'antologia della poesia napoletana.
Grazie !
Gennaro Sansone

💙💙💙💙

[ Ссылка ]

🌹🌹🌹🌹🌹

#poesia, - #poesianapoletana, - #poesía, - #gennarosansone, - #poesie, - #antologia, - #napoletano, - #poetry, - #napoli, - #poetinapoletani, - #poesias, - #antologianapoletana, - #antologiapoesie, - #poesienapoletane, - #linguanapoletana, - #dialettonapoletano, - #napoletanità, - #poesierecitate, - #poesienapoletanerecitate, -#videopoesienapoletane, - #videopoesiedigennarosansone, - #poeti, - #antologiapoesienapoletane, - #linguanapoletana, - #dialettonapoletano, - #videopoesie, - #videopoesierecitate, , - #napoli, - #poesianapoletana - #raffaeleviviani, -

💙💙💙💙
💙💙💙💙

Pagina facebook del poeta Gennaro Sansone

[ Ссылка ]

🌹🌹🌹🌹🌹

свернуть