HİZBULLAH lideri Həsən Nəsrullahın öldüyü təsdiqlənib - XƏBƏR 4 TV
İsrail Müdafiə Ordusu (SAXAL) Livanın "Hizbullah" hərəkatının lideri Həsən Nəsrullahın öldürüldüyünü rəsmi olaraq təsdiqləyib.
Xəbər4 TV-nin verdiyi məlumata görə, bu barədə SAXAL-ın "Telegram" kanalında bəyan edilib.
"Həsən Nəsrullah dünən (27 sentyabr) İsrail HHQ-nin Beyruta zərbəsi nəticəsində məhv edilib", - deyə məlumatda qeyd olunub.
Bundan əvvəl bildirilmişdi ki, İsrailin Beyrutun cənubuna hava zərbəsi nəticəsində "Hizbullah" liderinin həyat yoldaşı və qızı da həlak olublar.
Bu haqqda İsrail televiziyasının 12-ci kanalı xəbər yayıb.
Bildirilir ki, əvvəllər Zeynəb Nəsrullah öz açıq bəyanatlarında dəfələrlə "Hizbullah"ın məqsədlərinə sədaqətindən danışıb.
"Qardaşım Hadi şəhid olanda valideynlərim bir damla da göz yaşı tökmədilər", - deyə o, 2022-ci ildə "Al Manar" telekanalına verdiyi müsahibədə deyib.
Qeyd edək ki, "Hizbullah" liderinin böyük oğlu Hadi hərəkatın döyüş qanadının üzvü olub və 1997-ci ildə İsrail hərbçiləri ilə döyüşdə öldürülüb.
Həmçinin "Hizbullah” hərəkatının raket bölməsinin komandiri Məhəmməd Əli İsmayıl və onun müavini Hüseyn Əhməd İsmayıl da öldürülüb.
HİZBULLAH lideri Həsən Nəsrullahın öldüyü təsdiqlənib - XƏBƏR 4 TV
#hizbullah #hassannasrallah #lider #nasrallah #israil #israel #livan
