Ақтөбеде анасы тастап кеткен бір үйдің алты баласы адам шошырлық жағдайда тұрып жатыр. Көкек ана үш жыл бұрын балаларын қараусыз қалдырып кетсе, енді тағы 7 айлық кенжесін басқа біреуден беріп жіберіпті. Ал жұмыссыз болса да, балаларына бас-көз боп отырған әке үш күн бұрын инсульт алып, ауруханаға түсіп қалған. Сорақысы сол, ашқұрсақ, қараусыз қалған балалар туралы не жергілікті әкімшілік, не білім бөлімі мамандары білмейтін боп шықты.

свернуть