Բենզինի աննախադեպ գնաճ՝ Հայաստանում
Հայաստանում վերջին օրերին կտրուկ բարձրացել է #բենզին ի գինը։ Եթե ամիսներ առաջ 1 լիտր բենզինի գինը նվազել էր՝ հասնելով 300-ից 320 դրամի, այսօր արդեն վաճառվում է նվազագույնը 500 դրամով։
Տնտեսագետները պնդում են, որ բենզինի թանկացումն ազդելու է նաև մի շարք այլ ապրանքների գների վրա, այն պայմանավորված է #Ռուսաստան ի Դաշնության դեմ կիրառվող պատժամիջոցներով։
Պատգամավոր Թադևոս Ավետիսյանի խոսքով՝ երբ բենզինն արտասահմանից ներկրում ենք մատչելի արժեքով, տվյալ երկրի հետ կնքում ենք պայմանագիր՝ նվազագույնը 3-6 ամիս ժամկետով, հետևաբար այդ ընթացքում աշխարհում գրանցված թանկացումները չեն կարող անդրադառնալ #Հայաստան ի վրա։ Մասնագետները համոզված են՝ վառելիքի գնաճի մասով ՀՀ կառավարության այն արդարացումը, թե իբր արտերկրից վառելիքը թանկ են ներկրում՝ համոզիչ չէ։
