#oranews #umsh
Universiteti Mesdhetar i Shqipërisë diplomon brezin e 12-të të studentëve. Duke theksuar edhe risinë me të cilën ky univrsitet vjen këtë vit, Presidenti i tij, Anastas Angjeli u shpreh se Universiteti Mesdhetar ka dhënë dhe vazhdon të jape kontribut në edukimin cilësor të brezit të ri.
“Zhvillimet e viteve të fundit, sidomos ato që erdhën si pasojë e pandemisë treguan edhe një herë rëndësinë që sistemi shëndetësor ka për shoqëritë. Pikërisht për të përmbushur këtë nevojë jetike të shoqërisë në Universitetin Mesdhetar të Shqipërisë hapet nga ky vit akademik Fakulteti i Shkencave Mjekësore i cili do tu ofrojë studentëve të gjitha kushtet shkencore për tu përgatitur dhe për të dhënë më vonë kontributin e tyre në fushën e shëndetësisë.Sa i përket ndërkombëtarizimit. Janë nënshkruar dhe po implementohen marrëveshje me mbi 50 universitete partnere, me diploma të përbashketa Cilësia, serioziteti, dhe angazhimet Erasmus eshte certifikuar se fundmi edhe nga BE. Gjithe keto arritje i dedikohen padyshim gjithe trupës akademike qe i jane pergjigjur sfidave duke rritur kerkesat profesionale”, tha Angjeli .
E pranishme në këtë ceremoni ishte edhe Ministria e Arsimit Evis Kushie cila përgëzoi Universitetin Mesdhetar për çertifikimin e marrë nga Bashkimi Europian, duke i kërkuar të sapodiplomuarve të mos ndalojnë kurrë procesin e të të mësuarit dhe të fokusohen tek zhvillimet teknologjike
"Ka qënë dhe ndër universitetet e para që e kanë nisur ndërkombëtarizimin e dhjetëra e dhjetëra bashëkpunime ndër më prestigjozet," tha ajo.
Rektori i Universitetit Mesdhetar të Shqipërisë Adrian Civici, u shpreh se UMSH dhe gjithë stafi akademik reflektojnë mbi punën e bërë, përkushtimin ndaj studentëve, cilësinë e programeve mësimore, kërkesat e tregut të punës dhe profesioneve të reja.
"Jemi përpjekur ti përgjigjemi këtyre tendencave dhe kërkesave të reja të zhvillimeve teknologjike, të tregut të puës e gjithçkaje që ecën me shpejtësi," tha ai.
Universiteti Mesdhetar i Shqipërisë ka 4 fakultete dhe 50 programe studimi. Ai numëron në këto 15 vjet mbi 12 mijë të diplomuar.
Për më shumë lexoni në: [ Ссылка ]
Follow Televizionin Ora News
Website: www.oranews.tv
Youtube [ Ссылка ]
Facebook: [ Ссылка ]
Instagram [ Ссылка ]
Twitter [ Ссылка ]
