الله من عين ليا عسعس الليل .. عافت لذيذ النوم ماتهتني به
ياوين ابلقى من يحب التعاليل .. يبدي بزين القول والا ابتدي به
خطو الولد يامال قصف التماهيل .. يشرح عيوب الناس ماشاف عيبه
يفرح ليا شاف المجالس هراميل .. يكره ليا شاف المجالس منيبه
ما شــوقنه طــيبــات التــماثيل .. مع شايبًا قد بين الوقت شيبه
ماهوب شايب شيبنه غرابيل .. عيدٍ يقفي به وعيدٍ يجي به
انا الذي شفت الوزا يا إسماعيل .. طاوعت نفسي لين شفت الغليبه
النفس طير والخطايا محابيل .. والناس رواي الحديث اتحكي به
#بندر_بن_سرور

свернуть