Nərimanov Meyxana Gecəsi 07.07.24
Müctəs Bəhri
Könül bu fani cahanın vəfasın axtarma
Cəfası olmayan eşqin səfasın axtarma
Pünhan Alatavalı
Səbuhi Xırdalanlı
Çəkiliş Qrupu: Orxan Kərimli
Punhan Azim Rəsmi YouTube kanalına xoş gəlmisiniz.
Kanalımız Pünhan Azimin nəzarəti altında xiridarı tərəfindən idarə olunur.
Kanalda yerləşdirilən bütün video və audio materialların müəllif hüquqları qorunur.
Paylaşılan materialların başqa kanallara yüklənilməsi qəti qadağandır, əks halda kanalınız YouTube tərəfindən şikayət olunaraq bağlanacaq.
®️Punhan Azim
©️Esa Muzik
#meyxana #punhanalatavali #punhanazim #sebuhixirdalanli #trending #2024
_________________________________________
Pünhan Alatavalı (Azim)
Qanadlan aləmi seyr eylə üz səmalarda
Səmavi şövq ilə rəqs eylə süz səmalarda
Sədaqətin yeri göylərdi gəz səmalarda
Könül bu fani cahanın vəfasın axtarma
Cəfası olmayan eşqin səfasın axtarma
_________________________________________
Oyatdı aləmi ey sərvərim mətin qədəmin
Təbərrükünlə mübarək təxəllüsünlə əmin
Viladətinlə gözəlləşdi asimanü zəmin
Cahan üzün günəşindən münəvvər olmuşdur
Səba saçın qoxusundan müəttər olmuşdur
Səba yeli əsəli sünbülün diyarından
Məşami-əhli-məhəbbət müəttər olmuşdur
Nəsimi ey şəhi-xuban cəmalını görəli
Gözündə sürəti-rəhman müsəvvər olmuşdur
Sədaqət əhlidir aşiq riyasın axtarma
Özündən özgə könül aşinasın axtarma
(İmadəddin Nəsimi)
_________________________________________
O gün ki odlu məhəbbətlə qovrular könlüm
Sirişki-alim ilə badətək dolar könlüm
Füzuli şeirinə məhz onda ram olar könlüm
Yürütmüyün ərəqi məclis içrə badə ilə
Haramzadəni qoymun həlalzadə ilə
Mənə zaman ilə Məcnun müqəddəmm olsa nola
Oyunda şah bərabər deyil piyadə ilə
Məni saqınma Füzuli qəm içrə məcnun tək
Ki mən ziyadəyəm ondan qəmi-ziyadə ilə
Ziyadə dərdimin artıq dəvasın axtarma
Biraz da şiddətin artır şəfasın axtarma
(Məhəmməd Füzuli)
_________________________________________
Gözün gözəlliyi sakitcə ağlayışlarıdır
Səmimi baxmağı məsumca yalvarışlarıdır
Bu dilbərin məni heyran edən baxışlarıdır
Bu dilbərin nə gözəl aşiqanə gözləri var
Nə yaxşı can alıcı məhrəmanə gözləri var
Bütün gözəllər içində bu nazənin gözəlin
Gözəlliyindən əlavə yeganə gözləri var
Bir özgə dilbərə Vahid deyilməmiş bu qədər
Bu afətin nə gözəl şairanə gözləri var
Nə ondan özgə könül baş bəlasın axtarma
Nə məndən özgədə bəxtin qərasın axtarma
(Əliağa Vahid)
_________________________________________
Duası xilqətə məxsusi güc verən qüvvət
Məqami-izzəti dünyaya bəxş edib izzət
Ayağı altına baş qoy ki ordadır cənnət
Cahanda yox elə bir qüvvə baş əyim ona mən,
Fəqət nə güclü, zəif bir vücud var, yahu,
Ki, hazıram yıxılıb xaki-payinə hər gün, Öpüm ayağını əcz ilə. Kimdir o? Nədir o?
Ana! Ana! O adın qarşısında bir qul tək Həmişə səcdədə olmaq mənə fəxarətdir, Onun əliylə bəla bəhrinə yuvarlansam,
Yenə xəyal edərəm bəzmi-istirahətdir.
Uçurtma qəlb evini bədduasın axtarma
Rızası olmasa haqqın rızasın axtarma
(Cəfər Cabbarlı)
_________________________________________
Hacı Səbuhi Xırdalanlı
Gələndən aləmə divanəyəm məhəbbətdən
Vüsalə çatmadı qəlbim usandı həsrətdən
Məhəbbətin məni yandırdı saldı taqətdən
Bu hüsnilə gözəlim güllü zarə bənzərsən
Vəfaki səndə yoxdu ruzigarə bənzərsən
Təhəmmul eylə açılma qolumdan ey zəncir
Fəda olum sənə, sən zülfi-yarə bənzərsən
O qədri dərdi verib namiqa dövran
Cavan yaşında qoca ixdiyarə bənzərsən
Cavanlıq ötdüsə cismin ziyasın axtarma
Qocalmısan daha eşqin havasın axtarma
(Namiq Şəfai)
_________________________________________
Bu doğma eldə qərib bir məkan olub getdi
Həmin çəməndəki güllər tikan olub getdi
Qəminlə gülşəni ömrüm xəzan olub getdi
Çatıbdı vaxtı, gedir son baharı gəncliyimin
Yubanmağa daha yox ixtiyarı gəncliyimin
Sənə yetişmək üçün ki, özün fəda elədi
Gərək qapında qazılsın məzari gəncliyimin
Neçin bu Fəhmini tək qoydun intizar içrə
Sənə yetişmədimi ahu-zari gəncliyimin
O köhnə sevgimizin can fədasın axtarma
Sınıq neyin səsi çıxmaz nəvasın axtarma
(İlqar Fəhmi)
_________________________________________
Gəl ey ürəklərin ilhamı, gəl ki hamı görə
Bir intizarı çəkir hamı, gəl ki hamı görə
Gəl ey könüllərin aramı, gəl ki hamı görə
Üzün gülür gülər üzlüm üzündə güllər açıb
Gözün gülür qara gözlüm gözündə güllər açıb
Gəl ey gül üzlülərin şahı yolların bəzənib
Ayağın öpməyə xatir izində güllər açıb
O lalə üzlü qış ilhamına bahar gətirib
Vüqar səbəb budu sözsüz sözündə güllər açıb
O gəlməyincə bu ruhun qidasın axtarma
Ədalət ummağa ondan səvasın axtarma
(Vüqar Biləcəri)
_________________________________________
Xəyalımın gücü yetməz təsəvvür eyləməyə
Apardı xəlvətə halım təfəkkür eyləməyə
Qalıb əzalarım aciz təşəkkür eyləməyə
İçimdə şükr ola Ya Rəbb inandığım nəsə var
Bəqa xəzinəsi mislində sandığım nəsə var
İtirməyim belə əslində bir səadətdir
İtirməsəm nə bilirdim qazandığım nəsə var
Bu aşiqanə qəzəldən tutan tutur Pünhan,
Məhəbbət alemi haqqında qandığım nəsə var
Təfəkkür olmasa eşqin bəqasın axtarma
Bəqaya çatdısa aşiq xətasın axtarma
(Pünhan Alatavalı)
Ещё видео!