Қоғам сұранысы - бәсекеге қабілетті маман
Eліміздің әлемдік біртұтас білім кеңістігіне бағыт алу кезеңінде мамандар дайындау үрдісінің сапасын арттыру, бүгінгі күні білім беру жүйесінің ең маңызды міндеттерінің бірі. Қоғамдағы ұдайы өзгерістер білім беру жүйесінде болашақ мамандарда кәсіби ойлаудың жаңа қабілеттерін, дағдылары мен құзіреттілігін қалыптастыруды көздейді.
Қазіргі білім берудің басты мақсаты болашақ маманға кәсіби бағытта кешенді білім беру мен тәжірибелік дағдыларды қалыптастыру ғана емес сондай-ақ «өмір бойы оқу» қағидасының негізі болып табылатын білім мен дағдының үздіксіз кеңейіп, тереңдей түсуі, студенттің өз бетінше білім алуы мен өзін-өзі ұйымдастыру дағдыларын қалыптастыратыны сөзсіз. Егер барлық студенттер оқу үрдісі мен зерттеу тақырыбы аясында дайын түрдегі нәтижелерді алмаса, өзінің жеке тәжірибесіне негізделіп, өз бетінше алынған білімді өндіре алса, онда білім алушы болашақ кәсіби әрекетінде алған дағдыларын одан ары пайдалануға талпынар еді. Мәселен, осы орайда 2017 жылдың қазан айының 27 жұлдызында Қорғалжын ауылында № 1 Агротехникалық колледжінде «Бәсекеге қабілетті маман дайындау» тақырыбында диалог алаңы өткен болатын. Диалог алаңына әлеуметтік серіктестік басшылары қатысып, өз пікірлерін ортаға салды. Аталмыш іс шараға колледждің әлеуметтік серктестерімен БАҚ өкілдері, өндірістік оқыту шеберлері қатысты. Бүгінгі таңда 15 серіктес келісім шартқа қол қойып, арада тығыз жұмыс жүргізіліп жатыр. Жасалған меморандумдар, келісім шарттар Ақмола облыстық кәсіпкерлер палатасында тіркелді. Сонымен қатар
мамандарды жоғары деңгейде дайындау үшін кәсіптік және техникалық білімнің бекітілген оқу жоспарына сәйкес дуалдық оқыту жүйесі колледждің «Тамақтануды ұйымдастыру» мамандығы бойынша енгізіліп отыр. Дуалдық жүйе бойынша оқыту білім алушылардың кәсіби біліктер мен дағдыларды, іскерліктерді тікелей жұмыс орнында меңгеріп, жан-жақты кәсіби дамуына мүмкіндік беріп, түрлі жүйелердің білім, ғылым, өндірістің өзара байланысын, өзара әсерін, өзара кірігуін қамтамасыз ету арқылы кәсіптік білім беру жүйесінің сапасын арттыратындығы сөзсіз. Бұл жүйе колледждің басқа да кәсіби мамандықарында қолданылса да жақсы нәтижелер беретіні сөзсіз. Жалпы Дуалды оқыту жүйесінің негізгі мақсаты – техникалық – кәсіптік оқу орындарының жұмыс беруші жеке сектордағы өндіріс, шаруашылық мекемелерімен серіктестік ретінде бірлесе отырып, нарық заманында бәсекелестікке төтеп бере алатын, жаңа инновациялық-технологиялық бағдарламаларды меңгеруге дайын жұмысшы мамандар даярлау. Дуалды оқыту жүйесі дегеніміз – теорияны өндіріспен ұштастыра оқыту технологиясы. Ол алғаш Германияда пайда болып, негізі қаланды.
Елбасымыз өз Жолдауында «Еліміздің келешегі – жас ұрпақтың білімі мен тәрбиесіне ерекше назар аударуы біздің көкейіміздегі сауалдардың бірі» деген болатын.Сондықтан Елбасымыз жастардың техникалық және кәсіптік білім алуының мемлекетпен кепілдендірілген жүйесіне көшіруді мәлім етті. Яғни алдағы 2-3 жылда дуалды техникалық кәсіби білім берудегі ұлттық жүйенің өзегі қалыптастырылмақ. Қорғалжын Агротехникалық колледжі де осы тәжірибелерді кеңінең қолданып, шын мәнінде бәсекеге қабілетті мамандар дайындауға толыққанды ат слысып отыр.
- бап алынды бастап газет "Нұр-Қорғалжы"
