Lajme arkiva 2005
Uji i pijshëm është kthyer në një problem për banorët e një blloku pallatesh në Allijas të Tiranës. Prej më shumë se një jave ata ankohen se i mungon uji në çezmat e tyre.
Qytetarja 1: Ka mbi një muaj që ne nuk i kemi të tre vaktet e ujit, nuk ankohemi se s’kemi ritmikisht gjithë ditën se tani i shohim edhe kushtet, por të paktën një herë në ditë të na vijë që të mbushim enët ose të freskohemi, ose kemi dy lule për ambientin këtë kërkojmë.
Qytetarja 2: Në darkë e lëshuan pak, në mëngjes duhet të ngrihesh që në 3 e gjysmë 4.
Qytetarja 3: Gjithë javën nuk ka ardhur ujë fare, gjithë lagjja kështu është, nuk e di a ka difekt a çfarë ka, nuk e dimë fare.
Gazetarja: Ju keni kontaktuar me ujësjellësin.
Qytetarja 3: Jo, jo, ne menduam se mos na kishin defekt pompat, por kur pyetëm të gjithë që për të gjithë është problem.
Përgjegjësi i repartit të mirëmbajtjes nr 3 shpjegon se kjo gjendje do vazhdojë deri në fillim të javës së ardhshme, pasi ujësjellësi po punon në tubat e ujit të pijshëm të kësaj zone.
“Po kryhet një rikonstruksion i rrjetit të ujësjellësit për arsye sepse ka pasur mungesa uji në pallatet 23, 19 dhe 25. Është investim me fondet e ndërmarrë ujësjellësi kanalizime Tiranë, një linjë 130 metra e gjatë”.
Gazetarja: Dhe sa do zgjasin punimet?
“Punimet besoj se deri të hënën do mbarojnë. Është një punë e gjatë që është bërë nga ndërmarrja e ujësjellësit, mendoj se do japë rezultat për këto pallate për të mos pasur më shqetësime”.
Por probleme të furnizimit me ujë të pijshëm ka patur dhe një tjetër lagje e kryeqytetit Tiranë e Re. /tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
