Kryeministri i Kosovës Albin Kurti zhvilloi takime me krerë të lartë të shtetit shqiptar ditën e sotme, ku ka theksuar dy gjëra kryesore.
“Gjatë këtyre takimeve theksova dy gjëra kryesore. E para është suksesi dhe progresi demokratik e ekonomik i Kosovës në këto dy vite të qeverisjes tonë, që është një progres i pashembullt në Kosovën e pavarur. Në anën tjetër i informova për detajet e përmbajtjes së marrëveshjeve që kemi realizuar së pari në Bruksel dhe më pas edhe ankesin e zbatimit në Ohër, për normalizimin e marrëdhënieve mes Republikës së Kosovës dhe Serbisë. Dëshirova që t’i njoftoj për së afërmi, dhe në hollësi me procesin e dialogut, por edhe me elementët përbërës të marrëveshjes që tani duhet të zbatohet”, tha ai.
Kurti u shpreh se krerët e shtetit shqiptar e kanë mbështetur për procesin e dialogut dhe marrëveshjen e arritur.
“Presidenti Begaj, Kryetarja Nikolla dhe Kryeministri Rama më kanë mbështetur për procesin e dialogu dhe marrëveshjen që kam arritur. Shqipëria është gjithmonë pranë Kosovës dhe atë e dëshmon edhe në arenën ndërkombëtare, por edhe në marrëdhëniet tona bilaterale. Me kryeministrin Rama u dakorduam që mbledhja e ardhshme e dy qeverive do të jetë në muajin qershor. Por gjithashtu biseduam edhe për zbatimin e deritanishëm të marrëveshjeve të nënshtruara dhe çfarë do të mund të bëjmë edhe marrëveshje të reja, edhe zbatime të reja”.
Kreu i Kosovës shtoi se vendi i tij ka nevojë për mbështetjen e Shqipërisë për situatën komplekse të të raporteve Kosovë-Serbi.
“Ne kërkojmë nga Republika e Shqipërisë mbështetje në forumet ndërkombëtare për Kosovën. Çdoherë kur diskutohet duhet të mbrohet Kosova, subjektiviteti i saj, sovraniteti, pavarësia, integriteti territorial. Por gjithashtu të na ndihmojnë edhe në anëtarësime në organizatat ndërkombëtare, meqenëse e dimë që Shqipëria ka edhe ulëse në OKB dhe është gjithandej pjesëmarrëse e anëtare. Njëkohësisht desha që t’i informoj në mënyrë që një situatë komplekse e raporteve ndërmjet Kosovës dhe Serbisë, të jetë sa më e qartë për ta, në mënyrë që edhe mbrojtja që do t’i bëjnë Kosovës të jetë sa më e saktë dhe e dobishme”.
Ai shtoi se krerët e shtetit shqiptar mbështetën qëndrimin e tij se marrëveshja është njohje de facto e Kosovës nga Serbia.
“Ata mbështetën qëndrimin tim që kjo marrëveshje është njohje de facto e Republikës së Kosovës nga Serbia. Është në fakt një njohje de facto e ndërsjellët dhe gjithashtu, ua shpjegova se neni 7 i cili flet për vetëmenaxhimin e komunitetit serb dhe përmend Këshillin e Europës, korrespondon tek marrëveshja kornizë për mbrojtjen e pakicave kombëtare. Ndërkaq, në pikën 10 bëhet fjalë për të gjitha marrëveshjet e deritanishme që i ka trashëguar qeveria jonë nga procesi i dialogut në Bruksel, që janë gjithsej 39 dhe të cilat ne jemi pajtuar që duhet të zbatohen, natyrisht ato të cilat janë valide dhe të obligueshme, siç edhe thuhet në nenin 10 të marrëveshjes”.
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#AlbinKurti#Kosova#TopChannelNews
