اهلا بيكوا في صفحة الفن من الجورنال
في الحلقه دي بنتكلم عن مسلسلات رمضان في 2025
ما بين مسلسلات لاقت اقبال و شهره كبيره و بيتعمل ليها جزء تاني
و بين ممثلين اللي بيقدموا نفس المسلسل في كل رمضان بس باسم و شخصيات مختلفه
معانا 5 اعمال رمضانيه لحد دلوقتي
- محمد رجب بطل مسلسل ( الحلنجي ) تإليف محمود حمدان وإخراج معتز حسام
- احمد العوضي في رمضان ب( فهد البطل ) تإليف محمود حمدان إخراج محمد عبد السلام
- مي عمر ومحمد سامي في ( اش اش ) 15 حلقة
- محمد سامي هيخرج ( سيد الناس ) بطولة عمرو سعد تإليف خالد صلاح
- باسم سمرة تاني في ( العتاولة 2 ) مع السقا وطارق لطفي إخراج احمد خالد موسي وتإليف هشام هلال
و بالنسبه للافلام اللي بتتصور حاليا
- محمد رمضان في دور
سليمان أفندي السيوفي مصور الجثث والمحقق خارق الذكاء المعتوه اللي عنده وسواس قهري ومربي حيوان أليف أسمه عنتر و اللي بيحقق في جريمة قتل باشا من بشوات عصر الخديوي توفيق
بس قبل ما نشوف الفيلم دا , محمد رمضان بيصور حالياً فيلم أسمه "أسد" تأليف وإخراج محمد دياب
-عودة بلبلة
نبيلة عبيد بعد غياب 5 سنين من مسلسل سكر زيادة
قررت ترجع تاني بمسلسل أنتاج سعودي مصري "جذوة"
من إنتاج خالد الراجح وتم الإعلان عنه في منتدى الأفلام السعودي
و وضحت نبيله عبيد أنها تتمنى المشاركة في مسلسل من تأليف تركي آل شيخ
و نطلع بره مصر باخبار فنيه غريبه و حصريه
- ليزا بريسلي
احتفظت بجثة ابنها في التلج لمدة شهرين
ليزا بريسلي بنت ألفيس بريسلي
اتجوزت 4 مرات كان من ضمنهم
مايكل جاكسون
نيكولاس كيدج
وماتت وهي عندها 54 سنة بسكته قلبية
العالم كله بيتكلم عن اللي عملته بسبب صدمتها لما أبنها بنيامين مات
و اتكتب مذاكرات ليزا في كتاب أسمه "من هنا إلى المجهول الكبير"
وقالت أن ليزا أحتفظت بجثة أبنها لمدة شهرين في التلج علشان تودعه بشكل مناسب زي ما قالت
اما بالنسبه لمسلسل إميلي في باريس
Emily in Paris
عمل فني اثر علي سياحة دوله زي فرنسا
السياحة زادت جدا لباريس بسبب المسلسل
الناس بتروح تشوف الأماكن اللي إيميلي بتروحها
و المسلسل هيتصور في روما
و ده اللي خلي ماكرون و عمدة روما يتخانقوا علي تصوير المسلسل في بلدهم
و بالنسبه للعلاقات في مجال الفن
فا جنيفر لوبيز لسه ممضتش على أوراق الطلاق مع بن أفليك
جنيفر اتقدمت بطلب الطلاق بشكل دراماتيكي
بحيث أن لو تم الطلاق هيكون يوم 26 إبريل
ودا هيكون يوم عيد جوازها التاني
و دي كانت كل حاجه عن حلقتنا انهرده في صفحة الفن
للاعلان علي صفحاتنا يرجي التواصل علي
infogornalmasr@gmail.com
او كلمنا علي
01033630100
#جورنال _مصر
#الجورنال
#صفحة_الفن
Ещё видео!