مهداه للمستشار /
ثامر بن فيصل الراجحي البقمي
( رمز العطاء )

كلمات الشاعر والمنشد /
محسن بن مرزوق ( نجم البقوم )

أداء المنشد /
جفران بن هضبان ( الجفراني )

تصميم ومونتاج /
سعودالبقمي ( سفير البقوم )



الأبيات كتابة /

احتباس الفكر بعد اوشك على وقت انفجاره
فاضت افكاره مثل فيض السيول المستعيره

بالقصيد الي ملا عيني بعد طال انتظاره
شاعره لو يكتبه حولين ما انتابه ضميره

سلوته لازانت ابيوت القصيد وشب ناره
واستراتيجيته فالشعر تقراء عبر أثيره

ماضرم راسه على البيره ولا كيف الزقاره
يصمده من دلة الرسلان ويزين اتعبيره

لا ارتفع سعر الذهب فالسوق باسباب احتكاره
حاول استنساخه الي حرفته في نفخ كيره

والفنون اشكال والشاعر على حسب اختياره
فالقصيد يجوزله مالا يجوز لشخص غيره

ما جذبني درة من عند غيري مستعاره
قالطٍ بالي تقود الخيل في وقت المغيرة

حرفها من وسع عرف ومفردها من غزاره
أوزنها في ساحة الشعار منقطعٍ نظيره

شاعر مسعى وراء الشهره ولاحب الإثارة
المهم اكسب رضى الخلاق علام السريره

امتخرج من اكاديمية الشعر بجداره
مدرسة بتال ابن حزمي على نفس الوتيره

حافط نهجه وقانونه وشعره وابتكاره
كثر مايحفظ من أقوال الرسول ابو هريره

والشعر مجد العرب وتراثهم وأقدم حضارة
مكتبة تاريخ الأبطال ومواقفها الشهيرة

حرصي الدايم عليه اني ما انقص من وقاره
في مديح الامعه والأش ابو يمناً قصيره

والبخيل الي يمينه فالعطا كنها يساره
والمنافق والحسود مصاحب ابليس وخشيره

مدحهم ذنبٍ على الشاعر ورفقتهم خساره
جعلهم والله فداء راسٍ يشوش وفيه غِيره

اترك الي لا نصيته فالطلب صاغ اعتذاره
وازبن الي يقضي الصعبات لونها عسيره

فزعته ماهيب تاتيلك على حسب اقتداره
العظائم في عيون الناس في عينه صغيره

ماتقدم للمواقف مثل وطاي الخباره
خابط صدره ولد فيصل للازمات الخطيره

كن قصره داخل احيا العاصمه مبنى وزاره
مدهل الحكام والقاده وشيخان العشيره

فاتح بابه طويل الباع ليله مع نهاره
في زمانٍ قل فيه الي عرف واجب قصيره

بنك مرجلةٍ مايفضى للنواميس ادخاره
محزم سهوم المنايا فالمهمات الكبيرة

تفعل عيال النساء والطيب مبنيٍ اجداره
مار محد فاعلن فعله عسى ربي يجيره

ثامر ابن فيصل اسم بان للناس اشتهاره
وانتشر مثل انتشار الأمن في شبه الجزيره

راجحيٍ سيرته عطره وفي راسه نعاره
من رواجحنا هل الطاله والاذكار الجديره

تكثر الاسماء واساميهم لازالت فالصداره
راجحينٍ بالعلوم الغانمه في كل ديره

ولا امدح الطيب رياء والا على شان الـ تجاره
لو معاشي من يدين اعداي وفراشي حصيره

مار اناء من دون ربعي فالطلب رهن الاشاره
البقوم الي مفاخرهم على الكاتب عسيره

يوم بقعًا عادها حره وغاره سد غاره
احتمينا عاليت نجد بمراهيف شطيره

واحتدينا دونها العاصي على راس الزباره
لين صرنا مصدر افلاسه وحامي زمهريره

جمعنا في بيعة معزي من أسباب انتصاره
وبعية الجدان الأولى مثل بيعتنا الاخيره

البقوم اسم نصيبه ذروة المجد وفقاره
عنصريتي دونهم دايم على دجنه خفيره

قندو راسي من الأمجاد واعتز بشناره
لين شفت اهل الحسد من طيب ربعي مستغيره

ولقبوني بالنجم والنجم معروفٍ مداره
يهتدي فيه المسافر لاتنحى عن مسيره



اشترك وفعل التنبيهات في قناة المصمم سعود البقمي الرسمية للحصول على الجديد
[ Ссылка ]


- لطلب تصميم : 0502927899 (واتس اب فقط)


لمتابعة المصمم سعود البقمي عبر منصات التواصل الاجتماعي :)
Snapchat [ Ссылка ] سناب شات
Instagram [ Ссылка ] انستقرام
Whatsapp [ Ссылка ] واتساب
Youtube [ Ссылка ] يوتيوب


قناة سعود البقمي الرسمية

свернуть