Lajme Arkiva -TV Klan 2003
Kryeministri Fatos Nano:- “Do largohet drejtori i doganës të hënën, se s’ka realizuar planin”.
Kështu u shkarkua në një mbledhje partie drejtori i doganave në Vlorë. Kryeministri Nano ka qenë sot në një vizitë në Vlorë, ku u takua me socialistët lokalë dhe sipërmarrësit e qytetit. Në takimin e tij me biznesmenët vlonjatë, kryeministri deklaroi, se në Shqipëri 2/3 e parave në qarkullim janë informale. Nano duke iu drejtuar personalisht biznesmenit Sulo Shehu tha:
Kryeministri Fatos Nano:- “Respekte dhe Sulos, por paraja informale është para e pambrojtur, madje paranë informale ka rrezik ta grabit dhe fëmija”.
Në takimin me socialistët e Vlorës, kryeministri Nano u ndal gjatë në fushatën e zgjedhjeve dhe nuk harroi të fshikullonte indirekt zëvendësin e tij Meta. Duke i konsideruar të vona reagimet e Metës, Nano garantoi vlonjatët se do të angazhohet 24 orë, për të mos lejuar askënd të spostojë vëmendjen në sherre dhe konflikte meskine në mënyrë që të fitojë i paudhi, i cili sipas tij është Berisha.
Gjatë aktivit, Nano u tregua shumë i ashpër me drejtësinë në Vlorë, e cila sipas tij i ka liruar pa përfunduar gjykimin mjaftë trafikantë të rrezikshëm, duke sfiduar në këtë mënyrë policinë, prokurorinë edhe shtetin.
Kryeministri Fatos Nano:- “Drejtuesit e prokurorisë italiane antimafia, më propozuan dhe unë pranova si kryetar i mazhorancës, që të bëjmë pjesë të legjislacionit tonë një legjislacion të posaçëm, që zbatohet në Itali për të goditur mafien dhe krimin e organizuar, duke kërkuar nga prokurori në një gjykatë legale, konfiskimin e pasurive që ka dyshime se janë krijuar në mënyrë të paligjshme dhe pastaj i takon pronarit të tyre të vërtetojë burimet e ligjshme të krijimit të pasurive të patundshme, apo të pasurive lëvizëse. Dhe duke diskutuar me përgjegjësi me përfaqësuesit e drejtësisë italiane në këtë funksion, bëmë dhe pak shaka, që ndoshta juridiksioni i këtij ligji mund të kapte dhe ca prokurorë dhe ca gjykatës dhe ca politikanë”.
Në pjesën e parë të ditës, kryeministri Nano përuroi fillimin e punimeve në segmentin rrugor Orikum-Qafë e Llogorasë, ujësjellësin e Vlorës dhe një kompleks turistik në Orikum./tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
