Бүгін Атырау облысының әкімі Нұрлан Ноғаев аудандық мәслихат депутаттарына өз еркімен лауазымын босатқан Сырым Рысқалиевтің орнына
аудан әкімінің кандидатурасын ұсынды. Облыс әкімі Рысқалиевке атқарған жұмысы үшін алғыс айтып, жаңа қызметінде табыс тіледі. Аймақ басшысы депутаттарға ҚР Президенті Әкімшілігімен келісілген жаңа аудан әкімінің кандидатурасын таныстырды. Ол- Жәрдемғали Ахметов. Халық қалаулылары Ахметовтің кандидатурасын бірауыздан қолдады. Жәрдемғали Ахметов - 1984 жылы
Батыс Қазақстан ауыл шаруашылығы институтын экономика және ауыл шаруашылығын ұйымдастыру мамандығы бойынша бітірген. Мемлекеттік қызметте ұзақ жылғы еңбек өтілі бар. 1976-1978 жылдары Кеңес Әскері қатарында міндетін өтеген. 1984 -2012 жылдары Жылыой ауданында қатардағы экономистен бастап аудан әкімінің орынбасары лауазымына дейін көтерілген. 2012 жылы Исатай ауданының әкімі болып тағайындалды. 2013 жылдың мамыр айында Атырау облыстық экономика және бюджетті жоспарлау басқармасына басшы болды.
2013 жылдан бүгінге дейін Жылыой ауданы әкімінің орынбасары лауазымында қызмет етті.
[ Ссылка ]

свернуть