41-vjeçari Laert Keka, që u ekzekutua me 6 plumba në trup e kokë në Vlorë rezulton një person me precedentë penalë në të shkuarën. Ai është gjykuar dhe dënuar me burg së bashku me një person tjetër për grabitjen dhe vrasjen e një kambisti në Vlorë në vitin 2002.
Pikërisht kjo ngjarje është pista kryesore mbi të cilën po heton policia dhe prokuroria e Vlorës. Në komisariat janë shoqëruar mbi 30 persona për t’u marrë në pyetje, por asnjëri prej tyre si i dyshuar për atentatin.
Autorët, sipas policisë dyshohet se kanë qenë tre. Ata kanë ndjekur shënjestrën teksa lëvizte me një mjet motoçikletë në lagjen 28 Nëntori të qytetit bregdetar. Rreth orës 21 e 50 minuta ata i janë afruar 41-vjeçari dhe dy prej tyre kanë qëlluar me armë të ndryshme nga dritarja e pasme dhe e përparme e automjetit, tip Audi A6 me targa italiane.
Nga rindërtimi i skemës së krimit dhe gëzhojat e gjetura në vendngjarje besohet se janë përdorur dy armë, një tip kallashnikov dhe një pistoletë me silenciator.
Viktima ka mbetur fillimisht i plagosur me dy plumba në trup, por ja ka dalë mbanë që t’u largohet autorëve rreth 100 metra. Megjithatë, njëri autori që ka qëlluar me pistoletë me silenciator dyshohet se ka zbritur nga mjeti dhe e ka ndjekur në këmbë deri pranë Kishës Ortodokse. Këtu e ka qëlluar me katër plumba të tjerë, dy në trup dhe dy në kokë, duke i shkaktuar vdekjen e menjëhershme.
Më pas, autorët janë larguar në drejtim dhe në aksin Kotë-Sevaster kanë djegur makinën me të cilën udhëtonin.



Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Vrasja#Vlore

свернуть