Një vit nga fillimi I agresionit brutal të saj mbi Ukrainën, Rusia kontrollon sot vetëm një të pestën e territorit të vendit fqinj- shumë larg parashikimit për një pushtim masiv, që shumë analistë profetizuan asokohe se do të ndodhte kur tanket ruse hynë në pjesën lindore të Ukrainës.

Kievi e kujtoi këtë moment me njoftimin triumfues se ka zmbrapsur avancimet ruse përgjatë vijës së frontit ku po zhvillohen luftime në Ukrainën lindore dhe jugore. 90 sulme ruse gjatë 24 orëve të fundit zbrapsën forcat ukrainase, sipas zëdhënësit të ushtrisë së Kievit, Gjeneral Brigade Oleksiy Gromov.

Një vit pas pushtimit të Rusisë, pothuajse askush në Ukrainë nuk e ka shmangur dhunën, shkatërrimin dhe gjakderdhjen e luftës që ka marrë mijëra jetë njerëzish, ka lënë miliona të pastrehë dhe ka kthyer qytete të tëra në gërmadha.

Parandjenjat e frikës që kaploi Ukrainën në ditët para pushtimit tashmë është zbehur, sirenat dhe paralajmërimet e sulmeve ajrore janë bërë pjesë e jetës së përditshme. Shumë njerëz në vendin e munduar thonë se e kanë gjetur forcën në sakrificën e përbashkët dhe në luftën kolektive për mbijetesë. Sot, Ukraina po përgatitet për sulme të mundshme ruse në përvjetorin e luftës, duke përfshirë një sulm simbolik "hakmarrës", siç tha Presidenti Volodymyr Zelensky i Ukrainës, nga Rusia. Shkollat në mbarë vendin janë mbyllur, ndërsa njerëzit janë këshilluar të shmangin tubimet e mëdha dhe po vendosen masa shtesë sigurie. Zyrtarët ukrainas megjithatë mendojnë se Moska nuk ka më kapacitetet për një demonstrim dramatik force, siç ishte menduar më parë. Edhe pse erdhi me sakrifica të mëdha, rezistenca ndaj pushtimit rus praktikisht e vendosi Ukrainën në hartën e Perëndimit. Në imagjinatën perëndimore, Ukraina kishte qenë pothuajse gjithmonë nën hijen e Rusisë – fenomen që vazhdoi për pjesën më të madhe të tre dekadave që kur të dy vendet u bënë të pavarura, pas shpërbërjes së Bashkimit Sovjetik.

Megjithatë, tani, qëllimi që synon nënshtrimin e Ukrainës ndaj Rusisë – për ta fshirë ose pakësuar dukshëm hapësirën që një vend dhe kultura e tij zënë në mendje dhe në harta – duket se e ka pasur efektin e kundërt. Në të gjithë Atlantikun dhe në mbarë botën, ndërgjegjësimi për Ukrainën dhe kulturën e saj po rritet, përderisa ukrainasit po luftojnë për ta ruajtur sovranitetin dhe për ta rimarrë territorin e pushtuar nga Rusia.

Pamje: AFP

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Ukraine#Russia#TopChannelNews

свернуть