Xocalı şəhidləri 31 il sonra Ağdamda anıldı - BAKU TV
Fevralın 26-da Ağdamda Xocalı şəhidlərinin əziz xatirəsinə həsr olunmuş “Unudulmayan tarix” adlı anım tədbiri keçirilib. Tədbir “Xocalıya ədalət” beynəlxalq təbliğat-təşviqat kampaniyası çərçivəsində baş tutub.
Ağdam Konfrans Mərkəzində keçirilən anım mərasimində dünya şöhrətli fotojurnalist Reza Deqatinin Birinci Qarabağ müharibəsi dövründə lentə aldığı və Xocalı qurbanlarının başlarına gətirilmiş müsibətləri əks etdirən fotoşəkillərdən ibarət sərginin nümayişi olub.
Qarabağ iqtisadi rayonuna daxil olan işğaldan azad edilmiş ərazilərdə Prezidentin xüsusi nümayəndəsinin müavini Bəşir Hacıyev tədbir iştirakçılarına məlumat verərək bildirib ki, bu faciə zamanı günahsız soydaşlarımız vəhşicəsinə qətlə yetirilsə də, öz tarixi torpaqlarından didərgin düşsələr də, şücaətli Ordumuz düşməndən qisasını alıb, bəşəri ədaləti bərpa edib.
Rəsmi çıxışlardan sonra Azərbaycan Gənclər Fondunun dəstəyi ilə ərsəyə gətirilmiş “Xocalı nişanəsi” qısametrajlı filminin nümayişi baş tutub.
İnsanlıq tarixinə amansız soyqırımı kimi düşən dəhşətli faciənin mənzərəsi Bakı Xoreoqrafiya Akademiyasının tələbələrinin hazırladığı bədii kompozisiyada sənətin, musiqinin dili ilə bir daha canlanıdırılıb.
Xocalı faciəsini, insanlığa sığmayan barbarlığın törədildiyi qanlı gecəni bir daha xatırladan soyqırımı şahidi Dürdanə Ağayeva xalqımızın tarixi ədalətə olan inamının heç vaxt tükənmədiyini, bu gün işğaldan azad edilmiş torpaqlarımızda qürurla addımlamağımızın da bunun sübutu olduğunu deyib.
Ardınca Bəxtiyar Xanızadənin quruluş verdiyi “Xocalı bu olub” tamaşası izlənilib.
[ Ссылка ]
[ Ссылка ]
[ Ссылка ]
[ Ссылка ]
[ Ссылка ]
Xocalı şəhidləri 31 il sonra Ağdamda anıldı
© 2023 © All Rights Reserved ℗ Baku TV
#xocalıfaciesi #agdam #31il
