Cəlilabadda bu il ilk dəfə yeni üsulla çiyələk yetişdirilib
Cəlilabad rayonunda bu il ilk dəfə yeni üsulla çiyələk yetişdirilib. Təsərrüfat sahibi Mirağa Həsənov çiyələk kollarını yerdə yox, xüsusi qaydada hazırlanmış yerüstü yataqlarda əkib.Yeni qayda ilə əkilən çiyələk kollarından bu il ilk dəfə məhsul da əldə olunub
Cəlilabad rayon sakini Mirağa Həsənov istixana şəraitində daha məhsuldar çiyələk sortlarını araşdırmaq üçün burada 6 növ çiyələk əkib.Artıq növbəti il üçün geniş şəkildə becəriləcək çiyələk sortları məlumdur .Bir neçə gündür ki,satışa çıxarılan çiyələyin qiyməti də təsərrüfat sahibini qane edir.Hazırda bazarlarda çiyələyin bir kiloqramı 7- 8 manata satılır ki,bu da kifayət qədər gəlir əldə etməyə imkan verir .Türkiyə və İtaliya təcrübəsi əsasında qurulmuş yeni çiyələk təsərrüfatının ən üstün xüsusiyyətlərindən bir də əkin zamanı ayrılan yerə maksimum qənaət etməkdir.Yeni qayda ilə bir hektarlıq təsərrüfatda orta hesabla 200 min çiyələk əkilirsə,ənənəvi sahələrdə əkilən çiyələk kollarının sayı 60 minə çatır. Təsərrüfat sahibi gələn il yeni üsulla becərilən çiyələk sahəsini daha da genişləndirmək niyyətindədir
