БІЗДІҢ YOUTUBE АРНАҒА ТІРКЕЛІҢІЗ: [ Ссылка ]
---------------------------------------------
Теңдессіз жобамызға көз салыңыз: [ Ссылка ]
Бишімбаев ісі - [ Ссылка ]
Су тасқыны бойынша барлық ақпарат - [ Ссылка ]
Жұмбақ өлімдер - [ Ссылка ]
Бүгінгі шығарылымда:
Израиль премьер-министрі Биньямин Нетаньяху Сириямен шекаралас орналасқан Голан төбелерінің мәңгілікке Израильдің иелігінде қалатынын мәлімдеді. Сондай ақ, шекараны қайта белгілейтіндіктерін жеткізді. Бұнымен қоса, Сириядағы химиялық қоймалар мен зымырандар орналасқан нысандарға 250ге жуық әуе шабуылын жасады. Елдің сыртқы істер министрі "қару-жарақ экстремистік ұйымдардың қолына өтіп кетпеуі үшін, осындай қадамға барғанын алға тартады. Ал, Біріккен Ұлттар Ұйымының қауіпсіздік кеңесі Сириядағы жағдай бойынша отырыс өткізбек. Ұйым мүшелері Башар Асад пен Сирияның жоғары лауазымды шенеуніктерін жауапқа тарту керек деп отыр. Сонымен, Сириядағы жағдай қалай жалғасады? Толығырақ сюжеттен көрейік.
БИНЬЯМИН НЕТАНЬЯХУ, Израиль премьер-министрі:
– «Біз Таяу Шығыстың келбетін өзгертеміз. Сондай ақ, Голан төбелері мәңгілікке Израильдің ажырамас бөлігі болып қала береді»
Израиль әскері елу жылда алғаш рет Сириямен шекаралас жатқан Голан жотасына кірді. Ел үкіметі бұл әрекетті шекара қауіпсіздігін қамтамасыз ету үшін жасалған уақытша шара деп атады. Дегенмен, алдағы уақытта Голан төбесін өз иеліктеріне алу ниеттерін де жасырмады. Бұнымен қоса, Израиль қару-жарақ экстремистік ұйымдардың қолына өтіп кетпеуі үшін, Сириядағы химиялық қоймалар мен зымырандар орналасқан нысандарға 250ге жуық әуе шабуылын жасады. Ал, ройтерс ақпарттық порталының хабарлауынша, ел билігі Израиль танкілері Дамаскіден 55 шақырым жердегі Әл-Кунейтра қаласынан өтіп, Сирия астанасына қарай жылжып жатыр деген ақпаратты жоққа шығарып отыр.
Израиль әскери демилитаризацияланған аймақтан шықпады, Бұқаралық ақпарат құралдарында тараған Израиль танктерінің Дамаскіге қарай ілгерілеуі туралы ақпарат жалған. Израиль әскерлері бұрын айтылғандай, буферлік аймақта орналасқан.
Ал, Сирия премьер-министрі билікті көтерілісшілер тобына өткізуге келісті. Бұл туралы Мұхаммед Гази Әл-Жалали ресми түрде мәлімдеп, енді Сирия үкіметін "Хайят Тахрир аш-Шам" жетекшісі Әбу Мұхаммед әл-Джулани басқаратынын айтты. Көтерілісшілер билікті басып алғаннан кейін түрмелерде қамауда болған адамдар шығарылып жатыр. Тіпті, азаматтық соғыстан басқа елдерге қашып барған мыңдаған босқын Сирияға қайтып жатыр. Халықтың басым бөлігі президенттің орнынан кеткеніне қуанған.
СИРИЯЛЫҚ БОСҚЫН:
– Мен Сириядан 2016 жылы кетіп қалдым, қазір өз еліме оралғаныма қуаныштымын. Қанша уақыт өтсе де, бұл біздің ел, қуанышымды айтып жеткізе алмаймын.
СИРИЯ АЗАМАТЫ:
– Сирия Асадтан азат етілді. Біз қатты қуаныштымыз. Сирия жасасын!
Алайда, Біріккен Ұлттар Ұйымының қауіпсіздік кеңесі Сириядағы жағдай бойынша отырыс өткізбек. Ұйым мүшелері Башар Асад пен Сирияның жоғары лауазымды шенеуніктерін жауапқа тарту керек деп отыр. Өйткені, мемлекет адам құқығын бұзды дейді. Халықаралық ұйымның статистикасына сүйенсек, қарулы қақтығыс басталғалы елде 100 мыңнан аса жан із-түзсіз жоғалып кеткен екен.
Еске салайық, Сирияда Хайат Тахрир аш-Шам бастаған қарулы топ ірі қалаларға басып кіріп, күні кеше Башар Асад режимінің жойылғанын хабарлаған болатын. Ал, елден қашқан Башар Асадты Мәскеу өз панасына алған еді.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
WhatApp - [ Ссылка ]
TikTok - [ Ссылка ]
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
