Երեկ՝ նոյեմբերի 1-ին, խոշոր ավտովթար-վրաերթ է տեղի ունեցել Երևանում։ Ժամը 22։40-ի սահմաններում Երևան քաղաքի Խորենացի փողոցի բնակիչ՝ 28-ամյա Ալբերտ Տեր-Ավետիսյանը իր վարած BMW մակնիշի 35 PF 060 համարանիշի ավտոմեքենայով Գայի պողոտայում՝ «Տաշիր Պիցցա»-ի դիմաց, բախվել է ճանապարհի թույլատրելի հատվածում կայանված Երևանի բնակիչ՝ 27-ամյա Զոհրաբ Հարությունյանին պատկանող ВАЗ 2121 մակնիշի 45 XX 001 համարանիշի ավտոմեքենային։ Ինչպես դեպքի վայրից հայտնում է ֆոտոլրագրող Գագիկ Շամշյանը, բախումից հետո Ա. Տեր-Ավետիսյանը վրաերթի է ենթարկել հետիոտներ՝ Գառնի գյուղի բնակիչներ, 30-ամյա Գեղամ Ռուստամյանին և 40-ամյա Ներսես Վարդանյանին, որից հետո առաջ ընթանալով՝ բախվել է Աբովյան քաղաքի բնակիչ՝ 30-ամյա Արմեն Հարությունանին պատկանող, ճանապարհի թույլատրելի հատվածում կայանված Toyօta մակնիշի 71 ZR 777 համարանիշի ավտոմեքնային։ Toyօta-ն էլ, առաջ ընթանալով, բախվել է Աբովյան քաղաքի բնակիչ՝ 34-ամյա Էդուարդ Ափինյանին պատկանող, ճանապարհի թույլատրելի հատվածում կայանված Audi մակնիշի 34 TR 858 համարանիշի ավտոմեքենային։
Մանրամասները` [ Ссылка ]
