Сайлауға ақтөбеліктер үйден де дауыс берді. Денсаулық жағдайына байланысты сайлау аумақтарына келе алмаған тұрғындарға үй жағдайында таңдау жасауына мүмкіндіктер жасалды. №1 орта мектепте орналасқан №72,73 сайлау учаскелері бойынша бүгін 110 тұрғын осы мүмкіндікті пайдаланды. Олардың бірі Владимир мен Раиса Супруненколар. Зейнеткерлер бірнеше жылдан бері үйлерінен шыға алмайды. Ата мен әжей Ағайынды Жұбановтар көшесіндегі №290-үйде тұрады. Қос қарт былтырдан бері үйлерінен көп шықпайды. Ақсақал бірнеше ота жасатқалы тым көңілшек болып кеткен. Таңғы 7-ден бастап ашылған учаскеде алғаш рет дауыс беруші жастарға әдемі картиналар сыйланса, қарияларға шәй, бөпелі келіншектерге тәтті шоколадтар, ыдыс-аяқ үлестірілді. Білім ошағында орналасқан екі сайлау учаскесі бойынша 4600 адам өз дауыстарын берді. 7 тәуелсіз бақылаушы қандай да бір заң бұзушылықтар тіркелмеуін бақылап отырды. №72 сайлау учаскесінің комиссия төрайымы Жездігүл Мұқанованың айтуынша, 8-ші мөлтек аудандағы барлық көшеде тұрып жатқан тұрғындардың нақты тізімі алынды. Ағайынды Жұбановтар, Гришин, 101-атқыштар бригадасы көшелері мен Сәңкібай батыр, Әлия Молдағұлова даңғылдарындағы кейбір көпқабатты пәтерлердің иелері осы аумақта өз үміткерлерін таңдай алды. Жылжымалы жәшік қызметі кешкі 19-00-ге дейін жұмыс жасады. Үйлерді аралауға шыққан сайлауға жауапты комиссияның қызметкерлерімен бірге тәуелсіз бақылаушылар кезекпен еріп жүрді.
Сайт телеканала [ Ссылка ]
Twitter [ Ссылка ]
Вконтакте [ Ссылка ]
