Ստամբուլյան կոնվենցիայի շուրջ երեւանյան կրքերը այս շաբաթ նորից թեժացան: Ազգային ժողովի կարմիր դահլիճում Եվրախորհրդի մի քանի ներկայացուցիչ փակվեց մեր պատգամավորների հետ, որ համոզի վավերացնել վիճահարույց փաստաթուղթը: Եվրոպացիների նպատակն է՝ կոտրել այն կարծրատիպը, թե Ստամբուլյան կոնվենցիան ընտանեկան բռության դեմ պայքարի ազնիվ նպատակի տակ այլասերություն է քարոզում:
«Լուսնից էլ գան, չենք համոզվի»,-անդրդվելի են պահպանողական ԲՀԿ-ականները: «Ոչ մի գաղտնի պայմանավորվածություն չկա»,- երդվելու պես հավատացրին իմքայլայանները: Իսկ Լուսավորը՝ մութ գործերից, շառից- փորձանքից հեռու Նրանք չմասնակցեցին փակ քննարկմանը:
Ստամբուլյան կոնվենցիայի վավերացման շուրջ բանավեճում Հայաստանը կարծես բաժանվել է երկու հակամարտ բանակի: Նրանք, ովքեր դեմ են վավերացմանը, պնդում են, թե այս փաստաթուղթը ական է դրված հայ ավանդական ընտանիքի տակ: Իսկ նրանք, ովքեր կողմ են Ստամբուլյան կոնվենցիային ոչ առանց հեգնանքի հարցնում են՝ ընտանեկան արժեքը կնոջը ծեծելու տղամարդու իրավունքն է:
