Роман Скляр Атырау облысында инфрақұрылымдық нысандардың жүзеге асырылу барысын тексерді. Премьер-Министрдің орынбасары жұмыс сапары аясында «Нұрлы жол» бағдарламасының жүзеге асыру барысымен танысты. Роман Скляр және Атырау облысының әкімі Махамбет Досмұхамбетов Құрманғазы ауданына барды. Мұнда олар «Құрманғазы» өткізу бекетінің жұмысын және республикалық маңызы бар «Ақтөбе-Атырау-Ресей Федерациясы шекарасы» автожолы құрылысының барысын тексерді. «Құрманғазы» автомобиль өткізу бекеті 2004 жылы көпжақты қарым-қатынас орнату үшін ашылды. Тәулік сайын Ресей шекарасы арқылы екі жаққа 4000-ға жуық адам мен 1200 көлік құралдары өтеді. Сондай-ақ Роман Скляр және Махамбет Досмұхамбетов «Ақтөбе - Атырау-РФ шекарасы» автомобиль жолының қайта құру учаскелеріне барды, олардың әрқайсысында мердігерлік ұйымдардың басшылары тұрақты жұмыс барысын қамтамасыз ету жөніндегі шаралар мен алдағы кезеңге арналған жұмыс жоспарлары туралы баяндады. Жолдың жалпы ұзақтығы 893 км. құрайды. Оның ішінде 545 км. жол Атырау облысының аумағынан өтеді. «Нұрлы Жол» мемлекеттік бағдарламасы шеңберінде 432 км қайта жаңартылады. Жол-құрылыс жұмыстары екі бағытта жүргізілуде. Вице-премьер нысандарды тексеру барысын қорытындылай келе, құрылысты уақтылы және сапалы аяқтау бойынша міндеттер жүктеді.

Сайт - [ Ссылка ]
online - [ Ссылка ]
facebook - [ Ссылка ]

#ATYRAU #TV #ATYRAUTV
#АТЫРАУ #ТВ #АТЫРАУТВ
#102FM #ATYRAURADIO #RADIO

свернуть