#oranews #parlament #nikopeleshi

Kryetari i grupit parlamentar të Partisë Socialiste, Niko Peleshi deklaroi sot në Kuvend se “detyra jonë është t’i japim Shqipërisë pensione dinjitoze”, ndërsa theksoi se shenjën e parë qeveria do ta japë këtë vit me një rritje të qenësishme të bonusit të fundvitit.

Gjatë diskutimit në Kuvend të buxhetit faktik të vitit 2023, Peleshi u ndal te rritja ekonomike, ndërsa u shpreh se “rritja e pensioneve është flamuri i ambicies së kësaj mazhorance”.

“Rritja ekonomike duhet të shpërndahet në mënyrë më të drejtë. Është detyra jonë historike që pasi kemi dyfishuar rritjen ekonomike, pasi kemi reduktuar informalitetin, t’i japim Shqipërisë pensione dinjitoze.

Shenjën e parë do ta japim këtë vit me një rritje të qenësishme të bonusit të fundvitit.

Sa më shumë të reduktojmë informalitetin gri, aq më shumë do të rritet fondi i sigurimeve që do të shpërndahen për pensionistët”, tha Peleshi.

Sipas tij, pensionistët shqiptarë dijnë ta bëjnë dallimin mes premtimeve boshe dhe atyre që bazohen në kalkulime.

“Ne do ta bëjmë shumë të studiuar skemën e re të pensioneve, që nuk ka kthim pas. Një gabim në pensione i kushton një gjenerate, siç po paguajnë sot shqiptarët fajet e të tjerëve. Opozita thjesht bën politikë duke parë prapa”, tha Peleshi.

Duke folur mbi buxhetin faktik 2023, Peleshi solli në vëmendje disa statistika që dëshmojnë performancën pozitive të ekonomisë shqiptare.

“Kemi patur rritje të të ardhurave në 6.4 miliardë dollarë, pra janë rritur 12% të ardhurat në ekonomi. Investimet kapitale kanë kapur shifrën më të lartë, 1.2 miliardë dollarë.

Është rritur konsumi dhe ka rënë papunësia në nivelin më të ulët historik, 10.7%. Është rritur paga mesatare me 13.7%. Viti i kaluar do të mbahet mend si viti i një rritje të qenësishme, të madhe të pagave. Turizmi është rritur me 35%”, tha Peleshi.

Po ashtu, ai theksoi se borxhi ka rënë nga 70.4% në 57.5%, ndërsa në buxhetin e ardhshëm parashikohet në 55%.

“Jemi në prag të buxhetit të vitit të ardhshëm. Ne duam të diversifikojmë ekonominë dhe t’i japim impuls edhe sektorëve të tjerë të ekonomisë, veç ndërtimit dhe turizmit. Të luftojmë informalitetin dhe të rrisim konektivitetin”, tha Peleshi.

Për më shumë lexoni në: [ Ссылка ]

Follow Televizionin Ora News

Website: www.oranews.tv

Youtube [ Ссылка ]

Facebook: [ Ссылка ]

Instagram [ Ссылка ]

Twitter [ Ссылка ]

свернуть