Lajme Arkiva - TV Klan 2002
Një person i akuzuar për përdhunim e më pas tentativë të trafikimit të dy vajzave të mitura për në Itali është paraqitur në Gjykatën e Tiranës, për sigurim prove.
Alfred Kanani është arrestuar para 10 ditësh, pas denoncimit të bërë në drejtorinë e policisë nga dy vajza të mitura, të cilat akuzonin 29 vjeçarin Kanani, se i kishte përdhunuar së bashku me të tjerë persona, shokë të tij, duke pasur për qëllim edhe t’i dërgojë në Itali si prostituta.
Arrestimi i personit është bërë në bazë të kallëzimit të dy të miturave, të cilat duhet të paraqiteshin në gjykatën e Tiranës, për të njohur përdhunuesin e tyre. Seanca e sigurimit të provës është shtyrë për një ditë tjetër dhe se akuza ndaj Alfred Kananit rrezikon të bjeri, nëse nuk sigurohen prova dhe dëshmi konkrete për dy veprat penale për të cilat është arrestuar. Policia ka arrestuar ndërkohë edhe një shok të tij, Besnik Feimi, i cili akuzohet si bashkëpunëtor në përdhunimin e vajzave.
Vetëm gjatë muajit Tetor, Ministria e Rendit ka publikuar shifrën zyrtare, se janë bërë dhjetë denoncime për kryerje të marrëdhënies seksuale me dhunë. Shumica e denoncimeve tërhiqen më pas nga vajzat, si pasojë e kërcënimit nga përdhunuesit, apo frika e publikimit dhe opinionit që gjykon në këto raste./tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
