Shtetet e Bashkuara të Amerikës besojnë se për të luftuar krimin e organizuar dhe korrupsionin, krahas financimit, duhen institucione të pavarura dhe transparente. Teksa mori pjesë në takimin e organizuar nga Ministria e Brendshme me donatorët, ambasadorja amerikane në Tiranë tha se pastrimi i sistemin gjyqësor, ka nisur të japë efektin e vet në luftën kundër pandëshkueshmërisë.
“Policia, prokurorët gjyqtarët dhe politikanët duhet ti rezistojnë korrupsionit. Në vitin 2021 që nga largimi i gjyqtarëve të korruptuar deri tek arrestimi i politikanëve ka arritur shumë. Ky është vetëm fillimi, ne po shohim një epokë të re. Ekziston ndjesia se pandëshkueshmëria mundet”.
Ajo theksoi gjithashtu se sfidë për vendin tonë mbetet lufta kundër trafikut të drogës dhe emigracionit të paligjshëm që mund të përdoret nga kriminelët.
“Rreth 60-65 ton heroinë kontrabandohen në rajon gjatë vitit, kjo nuk është vetëm për Shqipërinë, por për të gjithë rajonin. Numri i emigrantëve të paligjshëm gjithashtu është rritur. Me rritjen e trafikimit të qenies njerëzore ka edhe rrezik. Me rritjen e trafikut të qenieve njerëzore, kriminelët do të përdorin fluksin e emigrantëve në favor të tyre”.
Ambasadori i BE-së në vendin tonë, Luigi Soreca, ndërsa konfirmoi vijimin e mbështetjes, jo vetëm financiare, por edhe logjistike për institucionet shqiptare ligjzbatuese, nënvizoi se jashtë vëmendjes nuk duhet lënë as lufta kundër krimeve mjedisore dhe siguria rrugore.
“Duhet të bëhen përpjekje për të luftuar korrupsionin, sidomos në fushën e pastrimit të parave dhe korrupsionin publik. Jam i lumtur që kemi folur për sigurinë rrugore. Shqipëria ka prezantuar shumë nisma dhe ende kjo problematikë është shqetësim. Kemi pasur numër të lartë aksidente rrugore vitet e fundit”.
Ministri i Brendshëm, Bledi Çuçi theksoi se krahas prioriteteve kryesore të sigurisë së rendit dhe asaj rrugore, vëmendje të veçantë do t’i kushtohet pastrimit të parave, si dhe krimit kibernetik.
Tv Klan
#YuriKim #korrupsion #luftakundrkorrupsionit #LuigiSoreca #BlediÇuçi
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
