Երեկ՝ հունվարի 17-ին, ավտովթար է տեղի ունեցել Արագածոտնի մարզում: Ժամը 16:00-ի սահմաններում Երևան-Վանաձոր ավտոճանապարհի 56-րդ կմ հատվածում բախվել են Վանաձոր քաղաքի Տիգրան Մեծ փողոցի բնակիչ, 27-ամյա Գարիկ Աշուղյանի վարած Toyota մակնիշի 99 ՍV 199 համարանիշի և Երևան քաղաքի Նոր Նորք վարչական շրջանի Ավետիսյան փողոցի բնակիչ, 73-ամյա Միշա Մարգարյանի վարած Mercedes 180 մակնիշի 30 ՏՍ 055 համարանիշի ավտոմեքենաները: Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով Mercedes-ի վարորդ Մ. Մարգարյանն ու նրա ուղևոր՝ Երևանի բնակիչ, 59-ամյա Աշխեն Ջուլֆալակյանը մարմնական վնասվածքներով տեղափոխվել են՝ Մ. Մարգարյանը՝ «Արմենիա» բժշկական կենտրոն, իսկ Ա. Ջուլֆալակյանը՝ Ապարանի հիվանդանոց:
Մանրամասները` [ Ссылка ]
