#gazmentbardhi #pd #zgjedhje
Vetëm pak orë përpara se kandidatura e Lulzim Bashës dhe ajo e Gjergj Hanës të kalojnë për votim në Kryesi, deputetët mbështetës të Gazment Bardhit e cilësojnë farsë procesin për zgjedhjen e kreut të ri të Partisë Demokratike në 29 Korrik.
Bledion Nallbati: Partia ka nevojë për votues dhe anëtarë, Basha thotë se ka nevojë për kryetar. Ky është një proçes nga zyrat, ilegjitim, bazuar mbi përjashtime. Proces përçarës jo bashkues.
Sajmir Korreshi: Është edhe opsioni i shitjes së bostanit. Demokratët ta kenë të qartë që lufta s’po bëhet për ta, po për b*thën e tyre.
Enkelejd Alibeaj, i cili një vit më parë e ftoi ish-kryetarin e tij të bënte një hap pas, për t’i dhënë një mundësi palëve me qëllim ndaljen e përçarjes, sot mendon ndryshe lidhur me rikandidimin e Bashës.
Enkelejd Alibeaj: Kjo nuk do të thotë të mos i jepet e drejta çdokujt të kandidojë. Nëse i themi dikujt ik, është simptomë e post-diktaturës.
Krahas zgjedhjes së kryetarit në 29 Korrik, beteja mes deputetëve demokratë vijon edhe për ligjshmërinë e mbajtjes si dhe vendimet e marra në Këshillin Kombëtar.
Bledion Nallbati: Vetëm Këshilli Kombëtar ka të autoritetin me votë të largojë anëtarët e vet, ku shoqërohet me raport nga Sekretari i Përgjithshëm për shkeljet që ka bërë ky individ ka bërë. Nga 453 anëtarë, janë 329. Kush e mori këtë vendim?
Enkelejd Alibeaj: Në punimet e Këshillit, një pjesë e anëtarëve kanë zgjedhur të jenë në strofkull tjetër të majtë tek LSI në zgjedhje, ndërsa ata që i qëndruan dhe nuk u tunduan, janë 329.
Sajmir Korreshi: Që të mbash 1 vit e gjysmë karrigen dhe të bësh si i djegur për PD-në nuk e di kush e ka çuar te Meta dhe Berisha partinë.
17 deputetë mbështetës të Sekretarit të Përgjithshëm, Gazment Bardhi e cilësojnë antistatutore mbajtjen e Këshillit Kombëtar dhe vendimeve të tij duke paralajmëruar se do të kontaktojnë individualisht për të verifikuar dhe vlerësuar vullnetin e secilit anëtar legjitim të Këshillit Kombëtar.
TË NGJASHME
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
