Policia e Tiranës ka dalë me një njoftim zyrtar, ku sqaron të gjitha kufizimet e rrugëve për ditën e martë, 6 dhjetor, në kuadër të Samitit të Bashkimit Europian me vendet e Ballkanit Perëndimor.
Kufizimi në Perimetrin e sigurisë pranë vendit ku mbahet samiti nis prej orës 6 të mëngjesit. Kështu do të gjitha rrugën që lidhin rrugën e Elbasanit, me rrugët pranë apo në drejtim të stadiumit, së bashku me rrugët që lidhin Bulevardin Dëshmorët e Kombit me rrugët pranë apo në drejtim të stadiumit do të jenë të gjitha të bllokuara.
TABELË: Rruget e bllokuara
• “Papa Gjon Pali II”,
• “Dervish Hima”,
• “Asim Zeneli”,
• “Themistokli Gërmenji”,
• “Ismail Qemali”,
• “Mustafa Matohiti”,
• “Jul Variboba”,
• “Faik Konica”,
• “Fatmir Haxhiu”,
• “Gjeneral Nikols”,
• “Sheh Ahmet Pazar”,
• “Ibrahim Rugova”,
• “Ukraina e lirë”
• “Lek Dukagjini”.
Kufizimi tjetër nis prej orës 7 të mëngjesit dhe bëhet fjalë për Unazën e Madhe, nga ish-sheshi “Shqiponja”, deri te rrethi i Sanatoriumit, dhe anasjelltas; si dhe Rruga e Elbasanit nga rrethi i Sanatoriumit deri tek ura e Elbasanit dhe anasjelltas.
Një kufizim I tretë që nis në orën 8 të mëngjesit përfshin Rrugën “Rinas - Qafë Kashar” dhe anasjelltas; Autostrada “Tiranë- Vorë” dhe anasjelltas;
TABELË: Rruget e bllokuara
• Ish-Sheshi Shqiponja deri te Sanatoriumi
• Sanatoriumi deri te Ura Rrugës Elbasanit
• Rinas-Qafë Kashar-Autostrade
• Autostrade Tiranë-Vorë
Të gjitha mjetet e emergjencave që do t’u duhet të lëvizin në drejtim të QSUT-së dhe spitalit Shefqet Ndroqi, duhet të ndjekin unazën lindore, kur vijnë nga juglindja, për të vijuar nga Shkoza-Kryegjyshata Botërore-Farka-Sanatoriumi-Kodra e Priftit-QSUT.
Gjithashtu, emergjencat mjekësore që vijnë te Spitali i Traumës, nga veriu dhe jugu, gjatë kohes së bllokimit të akseve rrugore, të ndjekin akset alternative: “Paskuqan-rruga “Azem Galica”-shinat e trenit-Spitali i Traumës” dhe “Rruga e Shkodrës-rruga “Petrit Radovicka”-rruga “Gjergj Legisi”-rruga “Lord Bajron”-Spitali i Traumës”.
Policia e Tiranës sqaron edhe shoferët që kanë si destinacion aeroportin e Rinasit. Për ata që vijnë nga veriu, rrugëkalimi do të bëhet nga aksi “Fushë Prezë – Rinas”; Për ata që vijnë nga Durrësi, rrugëkalimi do të bëhet nga aksi “Vorë- rruga e vjetër e Fushë Krujës”; Ndërsa për ata që vijnë nga juglindja, rrugëkalimi do të bëhet nga aksi “Elbasan - rrethrrotullimi TEG-ut- unaza lindore- Paskuqan -Kamëz- kryqëzimi i Valiasit- Rinas”.
Në brendësi të vijës së kuqe do të lejohen vetëm ambulancat, banorët e zonës, këmbësorët, punonjësit e ndryshëm që punojnë brenda perimetrit të sigurisë, apo ata që janë të angazhuar ditën e Samitit, si gazetarë, shoqerues, apo organizatorë, etj, të cilët duhet të tregojnë kartën e identitetit.
Kufizimet me kohë të pjesshme të disa rrugëve nisin që prej ditës së hënë, për rregullimet, heqjen e makinave të parkuara, etj, ndërkohë që kufizimi më I rreptë do të jetë të martën nga ora 6 e mëngjesit deri në orën 6 të pasdites.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Bllokimi#Rruget
