טוֹב, עָשִׂיתַּ עִם-עַבְדְּךָ-- אַדוֹנַי, כִּדְבָרֶךָ.
טוּב טַעַם וָדַעַת לַמְּדֵנִי: כִּי בְּמִצְווֹתֶּיךָ הֶאֱמָנְתִּי.
טֶרֶם אֵעֶנֶה, אֲנִי שֹׁגֵג; וְעַתָּה, אִמְרָתֵּךָ שָׁמָרְתִּי.
טוֹב-אַתָּה וּמֵטִיב; לַמְּדֵנִי חֻקֶּיךָ.
--
טָפְלוּ עָלַי שֶׁקֶר זֵדִים; אֲנִי, בְּכָל-לֵב אֶצֹּר פִּקּוּדֶיךָ.
טָפַשׁ כַּחֵלֶב לִבָּם; אֲנִי, תּוֹרָתְךָ שִׁעֲשָׁעְתִּי.
טוֹב-לִי כִּי-עָנִיתִי -- לְמַעַן, אֶלְמַד חֻקֶּיךָ.
טוֹב-לִי תּוֹרַת -פִּיךָ -- מֵאַלְפֵי, זָהָב וָכָ-סֶף.
--
יָדֶיךָ עָשׂוּנִי, וַיְכוֹנְנוּנִי; הַבִינֵנִי, וְאֶלְמֵדָה מִצְווֹתֶּיךָ.
יְרֵאֶיךָ, יִרְאוּנִי וְיִשְׂמָחוּ: כִּי לִדְבָרְךָ יִחָלְתִּי.
יָדַעְתִּי אַדוֹנַי, כִּי-צֶדֶק מִשְׁפָּטֶיךָ; וֶאֱמוּנָה, עִנִּיתָּנִי.
יְהִי-נָא חַסְדְּךָ לְנַחַמֵנִי -- כְּאִמְרָתֵּךָ לְעַבְדֶּךָ.
--
יְבֹאוּנִי רַחֲמֶיךָ וְאֶחְיֶה: כִּי- תּוֹרָתֵּךָ, שַׁעֲשֻׁעָי.
יֵבֹשׁוּ זֵדִים, כִּי-שֶׁקֶר עִוְּתוּנִי; אֲנִי, אָשִׂיחַה בְּפִקּוּדֶיךָ.
יָשׁוּבוּ לִי יְרֵאֶיךָ; וְיֹדְעֵי, עֵדֹתֶּיךָ.
יְהִי-לִבִּי תָּמִים בְּחֻקֶּיךָ-- לְמַעַן, לֹא אֵבוֹשׁ.
#תהילים #psalm
