🌹🌹🌹🌹🌹
Tratturia d''e sturiente - di Vincenzo Morvillo - Recita Franco Gargia - a cura di Gennaro Sansone -
🌹🌹🌹🌹🌹
Tratturia d’’e studiente
di Vincenzo Morvillo
Tratturia appartata e arruzzuta
chiena ‘e fummo e lignammo scassato,
addò vene ‘a famiglia..scaduta
e ‘o studente ca sta disperato..
Na vetrina cu ‘e llastre sengate,
na sperlonga cu ‘o piezzo ‘e rraù ..
e dduje purpe ..suspette..affucate,
priparate da ‘e mmane ‘e Munzù..
E Munzù, ca, appujato â vetrina,
cu ‘o sicarrio astrignuto ‘int’’e diente,
mo, ‘a luntano, dà n’uocchio â cucina,
mo se mette a ‘ngranà cu ‘e cliente…
Cu na coppola janca a rrutiello,
cu ddoje mane lucente e ‘nzevate,
quanno monta vicino ô furniello
so’ piatanze fragrante e priggiate..
Dint’â sala nu spiecchio appannato,
na cunzolla cu piatte e bicchiere,
‘nfaccia ô muro, ‘o Visuvio pittato,
sotto ê trave..nu miezu lampiere..
Ma tu vide, pe dint’’o lucale,
centenare ‘e studiente mangià.
E chi allucca..chi legge ‘o giurnale..
Chi, ‘a spartata, se mette a penzà..
Chi vò chesto.. Chi cerca chell’ato..
Chi ‘o risotto..Chi vò ‘a cutaletta..
Chi è cchiù ricco..nu pullo agglassato..
Chi è ..cafone..na bella favetta..
E pe mmiezo a stu poco ‘e rummore
‘e piatte..’e pusate e bicchiere,
va pe cciento na figlia ‘e trattore,
ca già buono canosce ‘o mestiere.
Quant’è bella !! Me pare na fata !
Tene ‘o piso cu tutta ‘a mesura !
Siente ‘e dì : “Signurì, na ‘nzalata..”
“ Signurì, pure a mme na frittura..”
“ Sissignore – essa dice – a mumente
songo pronte.. Nu poco, aspettate..”
Corre ‘a cca..corre ‘a llà comm’’o viento..
“ Che vulite ? sto cca ! Cumannate !”
E pe vvia ‘e sta bella guagliona,
mo pur’io me so’ fatto cliente…
faccio parte d’’o stessu buttone
so’ turnato a fà ancora ‘o studente..
Nu studente nu poco anziano,
cu nu core ca è giovane e ardente :
ca n’appena ca ‘a vede ‘a luntano,
nun cunnette e nu’ penza cchiù a niente !
Ogne tanto me manca na cosa :
ogne poco mm’’a chiammo vicino,
mo lle cerco na meza gassosa,
mo nu frutto o na giarra cu ‘o vino..
E..mm’’a guardo..Essa guarda e suspira..
Po, mme fa : “ Nun vulite nient’ato ?”
Ma ‘o capisce, oramaje, ca m’attira
e se piglia cchiù ‘o spavo ‘ncerato !
Mme n’addono. ‘Nce pare. Se spassa..
e i’ me sento, ogne tanto, ‘e murì,
quanno, â sera, cu n’aria smargiassa,
“ Cumannate – mme dice – ‘on Ciccì..!”
🌹🌹🌹🌹🌹
[ Ссылка ]
💙💙💙💙
Pagina Facebook di Gennaro Sansone [ Ссылка ]...
💙💙💙💙
💙💙💙 Cara amica e caro amico, se ti è piaciuto questo video e sei un appassionata/o della poesia napoletana, iscriviti al mio canale, per vederne degli altri e pigia la campanella per ricevere le notifiche dei nuovi video. L'antologia della poesia napoletana. Grazie ! Gennaro Sansone
💙💙💙💙.
💙💙💙💙 #poesia, - #poesianapoletana, - #poesía, - #gennarosansone, - #poesie, - #antologia, - #napoletano, - #poetry, - #napoli, - #poetinapoletani, - #poesias, - #antologianapoletana, - #antologiapoesie, - #poesienapoletane, - #linguanapoletana, - #dialettonapoletano, - #napoletanità, - #poesierecitate, - #poesienapoletanerecitate, -#videopoesienapoletane, - #videopoesiedigennarosansone, - #poeti, - #antologiapoesienapoletane, - #dialettonapoletano, - #videopoesie, - #videopoesierecitate, , - #napoli, - #culturanapoletana, - #lapoesia, - #lapoesianapoletana, -
💙💙💙
💙💙💙💙 Pagina facebook del poeta Gennaro Sansone [ Ссылка ]?...
