Lajme Arkiva 2003
Forcat e Armatosura nuk mund të mbahen ende me konceptin apo traditën e mëparshme se “na duhen për një ditë të keqe”, por refroma në ushtri është ajo që do të integrojë edhe vendin në NATO apo edhe në organizma të tjera partnerë. Me këtë mbështetje ndaj reformësu është drejtuar kryeminstri Nano gjeneralëve, ushtarakëve në 91 vjetorin e Forcave të Armatosura . Ushtria në këto reforma, u shpreh Nano, duhet parë e vlefshme edhe në kohë paqeje.
Fatos Nano: “Kur bëhet një reformë duhet të dëgjohen të gjithë, të merren vendime sa më përfshirëse dhe përfaqësuese që pastaj të zbatohen nga të gjithë. Ne jemi të ndërgjegjshëm që reformat, përfshirë këtu edhe reformën e thellë në fushën e mbrojtjes, nga njëra anë me synim progresin dhe transformimin pozitiv të mbarë vendit dhe institucioneve të tij, nga ana tjetër me kosto të cilat duhet të absorbohen me pjekuri. Këtë gjë natyrisht është më e lehtë ta thuash sesa ta bësh. Ne synojmë të zhvillojmë një Forcë të Armatosur që të mos mbyllet nëpër kazerma dhe të qendrojë në pritje, por presim që të zhvillohen kapacitete të tilla që të jenë sa më aktive“.
Dhe çështjeve që kanë të bëjnë me mbrojtjen dhe sigurinë, reformat janë prekur dhe nga ministri Majko.
Pandeli Majko: “Kjo është një reformë me dinamikë dhe ka dëshmuar deri më tani reflektim të plotë për ndryshimet në mjedisin ndërkombëtar të sigurisë, reflektim i cili është bërë në çdo rast në bashkëpunim me partnerët tanë në NATO. Reforma në fushën e mbrojtjes parashikon që forcat tona të armatosura të jenë më të reduktuara në numër, por më aktive. Nga ana tjetër, si një operacion kompleks, kjo reformë ka një kosto. Forcat tona të armatosura e kanë kaluar tashmë fazën e emergjencës, të pritjes dhe prirjes për thirrje ndihmash ushtarake dhe logjistike nga partnerët tanë në NATO".
Theksi për reformat është vëne tek arsmimi i ushtarakëve sipas një sistemi që i përket së nesërmës pasi për shtetin këta janë aleatë të fuqishëm të siguirsë kolektive./tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
